Əlibala Əsədullayev — Vikipediya

Əlibala Əsədullayev
Əlibala Əsədullayev
Azərbaycan SSR yerli sənaye naziri
	29 iyul 1975 – 4 iyul 1979
Əvvəlki	Ramazan Məmmədli
Sonrakı	Ayaz Mütəllibov
Şəxsi məlumatlar
Doğum tarixi	yanvar 1928
Doğum yeri	Bakı, Bakı qəzası, Azərbaycan SSR, ZSFSR, SSRİ;
Vəfat tarixi	5 mart 1981 (53 yaşında)
Partiya	Sovet İttifaqı Kommunist Partiyası (1951–1981);
Təhsili	Azərbaycan Sənaye İnstitutu (–1950);
Fəaliyyəti	siyasətçi
Təltifləri	;

Əlibala Bəhram oğlu Əsədullayev (yanvar 1928, Bakı – 5 mart 1981) — Azərbaycan dövlət xadimi, Azərbaycan SSR yerli sənaye naziri (1975–1979), Azərbaycan SSR Ali Sovetinin VII və VIII çağırış deputatı.

Həyatı

Əlibala Bəhram oğlu Əsədullayev 1928-ci ildə Bakıda anadan olmuşdur. Əmək fəaliyyətinə 1949-cu ildə "Bakı fəhləsi" zavodunda mühəndis-konstruktor kimi başlamışdır. 1950-ci ildə Azərbaycan Sənaye İnstitutunu bitirdikdən sonra Azərbaycan LKGİ Lenin Rayon Komitəsinin birinci katibi seçilmişdir.^[1]

1951–1956-cı illərdə S. M. Kirov adına zavodda texniki nəzarət şöbəsinin rəisi, sex rəisi işləmiş, baş mühəndis vəzifəsini icra etmişdir. 1957–1958-ci illərdə Petrov adına zavodun direktoru, Azərbaycan SSR Xalq Təsərrüfatı Şurası (XTŞ) Maşınqayırma İdarəsinin baş mühəndisinin müavini olmuşdur.^[2]

Əlibala Əsədullayev 1959-cu ildən 1965-ci ilədək Keşlə maşınqayırma zavodunun direktoru, Azərbaycan SSR XTŞ Maşınqayırma İdarəsinin rəisi, 1965-ci ilin noyabr ayından isə Azərbaycan Neft Sənayesi Maşınqayırma Birliyinin rəisi olmuşdur.^[3] 1973–1975-ci illərdə Azərbaycan SSR Dövlət Plan Komitəsində maşınqayırma şöbəsinin rəisi vəzifəsində işləmişdir.^[1] 1975-ci ilin iyul ayında Azərbaycan SSR yerli sənaye naziri təyin edilmişdir.^[4] O, bu vəzifədə 1979-cu ilədək çalışmışdır.^[1]

Əlibala Əsədullayev 1951-ci ildə Sov. İKP üzvlüyünə qəbul edilmiş, Azərbaycan SSR Ali Sovetinin VII və VIII çağırış deputatı seçilmişdir.^[3] Azərbaycan KP Təftiş Komissiyasının üzvü olmuşdur. 2 dəfə "Qırmızı əmək bayrağı" ordeni, eləcə də SSRİ medalları ilə təltif edilmiş, "Azərbaycan SSR əməkdar mühəndisi" fəxri adına layiq görülmüşdür. İttifaq əhəmiyyətli fərdi təqaüdçü olmuşdur.^[1]

Əlibala Əsədullayev 1981-ci ildə vəfat etmişdir.^[1]

İstinadlar

↑ ¹ ² ³ ⁴ ⁵ Ә. Б. Әсәдуллајев // Коммунист. № 57 (17691). 6 март 1981-ҹи ил. С. 3.
↑ Әсәдуллајев Әлибала Бәһрам оғлу // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 152.
↑ ¹ ² Әсәдуллајев Әлибала Бәһрам оғлу // Азәрбајҹан ССР Али Советинин депутатлары. Сәккизинҹи чағырыш. Бакы: Азәрбајҹан Дөвләт Нәшријјаты. 1973. С. 151.
↑ Asadullaev, Ali-Bala Bachram ogly // Who's Who in the Socialist Countries (ingilis). New York: Saur. 1978. səh. 28. ISBN 0-89664-011-6.

[kom81-1] ¹ ² ³ ⁴ ⁵ Ә. Б. Әсәдуллајев // Коммунист. № 57 (17691). 6 март 1981-ҹи ил. С. 3.

[dep7-2] Әсәдуллајев Әлибала Бәһрам оғлу // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 152.

[dep8-3] ¹ ² Әсәдуллајев Әлибала Бәһрам оғлу // Азәрбајҹан ССР Али Советинин депутатлары. Сәккизинҹи чағырыш. Бакы: Азәрбајҹан Дөвләт Нәшријјаты. 1973. С. 151.

[who78-4] Asadullaev, Ali-Bala Bachram ogly // Who's Who in the Socialist Countries (ingilis). New York: Saur. 1978. səh. 28. ISBN 0-89664-011-6.

[1]

[2]

[3]

[4]