811 saylı Laçın dağ-atıcı alayı — Vikipediya

Laçın alayı
811 saylı Laçın dağ-atıcı alayı
Növü	quru qoşunları
Yaranma tarixi	Y. 27 mart 1992 ↕ L. 30 aprel 1992 B. 26 oktyabr 1992 ↕ L. 1 aprel 1993 B. 18 avqust 1993 ↕ L. 15 oktyabr 1993
Ölkə	Azərbaycan
Vəzifəsi	Laçın rayonunun müdafiəsi
Qərargah	Laçın rayonu
Himayədarı	Azərbaycan Müdafiə Nazirliyi
Təchizatı	yüngül silahlar PDM BTR BM-21 Qrad Top
Müharibələr	Qarabağ müharibəsi
Döyüşlər	Laçının müdafiəsi uğrunda döyüşlər Hoçaz əməliyyatı Cəbrayılda döyüşlər Horadiz əməliyyatı
Komandanlıq
Məşhur komandirləri	Arif Paşa, Tahir Süleymanov (hərbçi)

811 saylı Laçın dağ-atıcı alayı və yaxud Laçın alayı — Qarabağ müharibəsində Laçın rayonunda dislokasiya olunmuş hərbi hissə.

27 mart 1992-ci il tarixində Laçın ərazi özünümüdafiə batalyonunun bazasında yaradılıb. 30 aprel 1992-ci il tarixinə kimi mövcud olmuş hərbi hissənin komandiri Arif Paşa, qərargah rəisi Rafiq Nağıyev olub.^[1]

811 saylı Laçın alayı Laçının işğalından 18 gün əvvəl 1992-ci il aprelin 30-da müdafiə naziri Rəhim Qazıyevin 0151 saylı əmri ilə ləğv edilərək 704 saylı briqadanın komandiri, ərazi üzrə məsul komendant Elbrus Orucova tabe etdirilib. Rəhim Qazıyev alayın ləğvi barədə bunları deyir:

Hər gün mənə imzalamağım üçün onlarla sənəd gətirilirdi. Mən də onların başlıqlarına baxıb, məzmunu ilə ümumi tanış olub imzalayırdım. 811 saylı hərbi hissə ilə bağlı əmrdə də alayın “perepodçinenie”sindən söhbət gedirdi – əmrin adı belə idi. Lakin əmrin əsas hissəsində alayın ləğvi nəzərdə tutulubmuş. O əmrlərin mətnini Baş Qərargahın müvafiq idarələri, o cümlədən Əməliyyat İdarəsindəki peşəkar zabitlər hazırlayırdılar. Yəni mənim obyektiv olaraq, bütün nüansları bilməyim mükün deyildi.[2] Rəhim Qazıyev

Arif Paşanın bildirdiyinə görə alayın de-yure ləğvindən sonra da fəaliyyətlərini davam etdirmişlər.^[1]