Bakı Uşaq və Gənclər Teatrı — Vikipediya
Bakı Uşaq və Gənclər Teatrı | |
---|---|
Bakı Uşaq və Gənclər Teatrı | |
![]() Bakı Uşaq Teatrının loqosu | |
![]() | |
Ümumi məlumatlar | |
Əsası qoyulub | 2001 |
Heyət | |
Direktor | İntiqam Soltan |
Bədii rəhbər | İntiqam Soltan |
Baş rejissor | İlhamə Əhmədova |
Yerləşməsi | |
40°23′49″ şm. e. 49°58′24″ ş. u. | |
Ölkə | |
Yerləşir | Bakı |
Ünvan | Suraxanı rayonu Qaraçuxur qəsəbəsində Qurban Abbasov adına mədəniyyət evi |
| |
but.az |
Bakı Uşaq və Gənclər Teatrı — 2001-ci ildə Bakı Uşaq Teatrı adı altında yaradılmış Azərbaycan teatrı.[1]
Tarixi
[redaktə | mənbəni redaktə et]Bakı Uşaq Teatrı 2001-ci ildə yaradılıb. 2002-ci il mayın 1-dən İntiqam Soltanın direktor-bədii rəhbər[2] təyin olunması ilə fəaliyyətə başlayıb.[3]
Bakı Uşaq Teatrı 2001-ci il aprel ayının 9-da Bakı Şəhər İcra Hakimiyyəti başçısının 260 saylı sərəncamı, Bakı Şəhər Mədəniyyət və Turizm İdarəsinin Rəisinin 26 aprel 2002-ci il tarixli 32 saylı əmri ilə yaradılıb. Bu günə qədər teatrda 100-ə yaxın yüksək bədii keyfiyyətə malik tamaşa hazırlanıb.
Teatr Cənubi Qafqazda yeganə peşəkar uşaq teatrıdır.
Fəaliyyət göstərdiyi müddətdə özünə çox böyük sayda tamaşaçı auditoriyası toplayan teatr bir sıra dövlət tədbirlərində və beynəlxalq teatr festivallarında uğurlu çıxış edərək diplom və mükafatlara layiq görülüb. Azərbaycan Respublikası Mədəniyyət Nazirliyi ilə yanaşı, Gənclər və İdman, Ədliyyə, Səhiyyə, Əmək və Əhalinin Sosial Müdafiəsi nazirlikləri də teatrla birgə layihələr həyata keçirir. Teatr bir sıra beynəlxalq təşkilatlarla da əməkdaşlıq edir. Bunlardan Beynəlxalq Qızıl Xaç Komitəsini, Avropa Şurasının Azərbaycan Ofisini, BMT-nin Narkomaniyaya qarşı mübarizə İdarəsinin Bakı Ofisini göstərmək olar.
Teatrda 70-ə yaxın uşaq mütəxəssisi çalışır. 2009-cu ilin noyabr ayında Bakı Uşaq Teatrı nəzdində xüsusu qayğıya ehtiyacı olan uşaqlardan ibarət teatr studiyası yaradılıb. Qısa fəaliyyəti dövründə bu studiya respublikamızda keçirilən əlilliyi olan uşaq və gənclərin inteqrativ tamaşalarının 4-cü milli festivalında, Moskvada keçirilən sağlamlığı məhdud olan şəxslər üçün gənclərin 2-ci beynəlxalq yaradıcılıq festivalında uğurla çıxış etmiş və diplomla təltif olunub.
Bakı Uşaq Teatrının bədii-rəhbəri və direktoru İntiqam Soltan və burada çalışan digər mütəxəssislər, rejissorlar, aktyorlar, bəstəkarlar, rəssamlar müxtəlif bədii və sənədli filmlərdə , eləcə də Azərbaycan televiziyalarında istehsal edilən müxtəlif seriallarda böyük iş təcrübəsinə malikdirlər.
Bakı Uşaq Teatrı 2008-ci il mayın 23-nə kimi Dənizkənarı Milli Park ərazisindəki binasında fəaliyyət göstərib. 2008-ci il may ayının 24-dən 2013-cü il mart ayının 31-nə kimi Hüseynqulu Sarabski adına mədəniyyət evinin binasında yerləşib. Hazırda Suraxanı rayonu Qaraçuxur qəsəbəsində Qurban Abbasov adına mədəniyyət evində yerləşir.
Teatr 2020-ci ildən Bakı Uşaq və Gənclər Teatrı adı altında fəaliyyətini davam etdirir.[4]
Bədii heyət
[redaktə | mənbəni redaktə et]Ssenarist : Arzu Soltan
Quruluşçu rəssam : Sevda Məmmədova
Ədəbi hissə müdiri : Leyla Həşimova
Quruluş hissə müdiri : Bəhruz Məmmədov
Musiqi hissə müdiri : Mahir İbrahimov
Kostyum otağının müdiri : Xuraman Balayeva
Rejissor assistenti : Afaq Əhmədova
Dekorçu rəssam : Zəminə Allahverdiyeva
Yaradıcı heyət
[redaktə | mənbəni redaktə et]Rejissor, aktyor : İntiqam Soltan
Quruluşçu rejissor : İlhamə Əhmədova
Aktyorlar : Tofiq İsgəndərli, Soqət Səmədova, Rauf Hüseynov, Cavanşir Məhərrəmov, Könül Qasımova, Niyaz Qasımov, Vüsalə Bəşirova, Xəyalə Meydanova, Türkan Şahmarlı, Şahin Kazımov, Rəfael Muradxanlı, Niyaz Novruzov, Günay Pirizadə, Müdvər Nemətova
İstinadlar
[redaktə | mənbəni redaktə et]- ↑ "Bakı Uşaq Teatrı". 2018-09-07 tarixində orijinalından arxivləşdirilib. İstifadə tarixi: 2016-01-23.
- ↑ Nüşabə. Uşaq Teatrı vətənpərvərliyi təbliğ edir: [Teatrın direktoru və bədii rəhbəri İntiqam Soltan ilə müsahibə] //Palitra.- 2008.- 6 may.- S. 13.
- ↑ "Bakı Uşaq Teatrı:Tariximiz". 2018-09-07 tarixində orijinalından arxivləşdirilib. İstifadə tarixi: 2016-01-23.
- ↑ Azərbaycan Respublikası Mədəniyyət Nazirliyi. "Bakı Uşaq və Gənclər Teatrı fəaliyyətə başlayıb" (az.). Mct.gov.az. 29.01.2020. 2020-06-05 tarixində arxivləşdirilib. İstifadə tarixi: 2020-06-05.
Mənbə
[redaktə | mənbəni redaktə et]- Yusif. "Uşaq Teatrı qapılarını tamaşaçıların üzünə açdı" //İki sahil.- 2003.- 14 may.