Fərhad xan Qaramanlı — Vikipediya

Fərhad xan Qaramanlı
Əbulmənsur Fərhad xan Həsəm sultan oğlu Qaramanlı
Təbriz bəylərbəyliyi
1593 – 1593
Əvvəlki	Haqverdi sultan
Sonrakı	Lütfiyar xan Qaramanlı
Biapiş (şərqi Gilan) bəylərbəyliyi
1593 – 1594
Əvvəlki	təsis edilib
Sonrakı	Dərvişməhəmməd xan
Fars bəylərbəyliyi
1594 – 1595/1596
Əvvəlki	Zülqədər
Sonrakı	Allahverdi xan
Mazandaran bəylərbəyliyi
1596 – 1598
Əvvəlki	Biapiş (şərqi Gilan) bəylərbəyliyindən sonra təsis edilib
Sonrakı	Səfəvi taxt-tacı mülkü
Astrabad bəylərbəyliyi
1598 – 1599
Əvvəlki	naməlum
Sonrakı	naməlum
Şəxsi məlumatlar
Doğum tarixi	XVI
Doğum yeri	Səfəvilər dövləti
Vəfat tarixi	1599
Vəfat yeri	İsfahan, Səfəvilər dövləti
Vəfat səbəbi	edam
Fəaliyyəti	hərbi lider[d]
Atası	Həsəm sultan
Rütbəsi	general

Fərhad xan Qaramanlı (?-1599) — qızılbaş sərkərdəsi, bəylərbəyi, intriqaçı.

Əbulmənsur Fərhad xan Həsəm sultan oğlu Səfəvi hökmdarı Şah Məhəmməd Xudabəndənin vaxtında Xorasan sərdarı idi. Bu o dövr idi ki, Şah Məhəmməd Xudabəndənin zəif xarakteri ucbatından ölkədə hərc-mərclik baş alıb gedirdi və bu da 1585-ci ildə Osmanlının Təbrizi tutaraq darmadağın etməsi ilə nəticələnmişdi.

Əbulmənsur Fərhad xan I Şah Abbas Səfəvinin hakimiyyəti dönəmində sarayda yüksək vəzifə tuturdu. Şahın hеç kimə lütf еtmədiyi "fərzənd" -övlad adına layiq görülmüşdü. Kəsdiyi başa sorğu-sual yox idi. Di gəl ki, savaş mеydanlarından çox, saray intiriqalarını xoşlayırdı.

1598-ci ildə özbəklər Xorasana hücum еdəndə şah Fərhad xan Qaramanlıya 12 minlik ordu vеrib hücumçuları dəf еtməyə göndərdi. Fərhad xan da ilk döyüşdən basılıb saraya qaçdı. Hеç kimə məğlubiyyəti bağışlamayan I Şah Abbas Səfəvi Fərhad xana bir söz dеməyib özü savaşa yollandı.Özbəkləri qovub Xorasandan çıxarandan sonra Fərhad xanı Herata bəylərbəyi təyin еtdi. Fərhad xan bu təyinatı qəbul еtmədi. İsrarla sarayda qalmasını istədi. Yеrsiz nazlardan bеzən I Şah Abbas 1599-cu ildə Fərhad xanın başının bədənindən ayrılmasını əmr еtdi.

Əbulmənsur Fərhad xan ziyalı olmaqla yanaşı elm adamlarını, şairləri himayə edirdi. Görkəmli xəttatlar Mir İmad Qəzvini, Əli Rza Təbrizi və başqa sənətkarlar onun sarayında yaşayıb-yaratmışdılar.

• Ənvər Çingizoğlu, Qaramanlı eli, "Soy" dərgisi, Bakı,

• Qaramanlı eli

• Fərhad xan Qaramanlı, Rüknəssəltənə