Fikrət Sadıq — Vikipediya
Fikrət Sadıq | |
---|---|
Fikrət Abbas oğlu Sadıqov | |
![]() | |
Doğum adı | Fikrət Sadıqov |
Doğum tarixi | |
Doğum yeri | Şamaxı, Azərbaycan SSR, SSRİ |
Vəfat tarixi | (86 yaşında) |
Vəfat yeri | Bakı, Azərbaycan |
Vəfat səbəbi | ağ ciyər xəstəliyi[1] |
Vətəndaşlığı | ![]() ![]() |
Milliyyəti | azərbaycanlı |
Uşağı | Orxan Fikrətoğlu |
Təhsili | ADU-nun Filologiya fakültəsi |
Fəaliyyəti | şair, publisist, tərcüməçi |
Fəaliyyət illəri | 1957-2016 |
Əsərlərinin dili | azərbaycanca |
İlk əsəri | "Artist" və "Ana əli" şeirləri |
Mükafatları | ![]() ![]() |
Sadıqov Fikrət Abbas oğlu — şair, publisist, ssenari müəllifi, kino redaktoru, 1963-cü ildən Azərbaycan Yazıçılar Birliyinin üzvü, Azərbaycan SSR əməkdar mədəniyyət işçisi (1986), Azərbaycan SSR Dövlət mükafatı laureatı (1990).
Həyatı
[redaktə | mənbəni redaktə et]Fikrət Sadıq 1930-cu il mayın 30-da Şamaxı şəhərində anadan olmuşdur. Burada ibtidai, Kürdəmirdə orta təhsil aldıqdan sonra Bakıda sənət məktəbini bitirmişdir (1946). Gəncə neft kəşfiyyatının Naftalan qəsəbəsində, Tərtərdə neft kəşfiyyatı sahəsində elektrik montyoru işləmişdir (1946-1952). Sovet ordusunda xidməti borcunu yerinə yetirəndən sonra Bakıda bir müddət kinomexanik kimi çalışmışdır. 1955-ci ildə Kürdəmirdə elektrik montyoru işlədiyi vaxt axşam məktəbini bitirmişdir. Sonra ADU-nun Filologiya fakültəsində təhsil almışdır (1956-1961). Ədəbi fəaliyyətə tələbəlik illərində universitet nəşriyyatının buraxdığı "Gənclik nəğmələri" almanaxında dərc etdirdiyi "Artist" və "Ana əli" şeirləri ilə başlamışdır. Poetik yaradıcılığında bədii tərcürməyə də meyl etmişdir. "Yumaq top", "Bir parça vətən", "Oğul" pyesləri, "Xırdaca gəlin", "Daş balkon", "İlk məhəbbət haqqında daha bir hekayə" və s. onun qələminin bəhrəsidir (1974-1983). Şamaxıda kənd müəllimi, rayon qəzeti redaksiyasında ədəbi işçi, ADU-nun Azərbaycan ədəbiyyatı tarixi kafedrasında baş laborant, Azərbaycan Sovet Ensiklopediyasının Baş redaksiyasında elmi redaktor, şöbə müdiri, C.Cabbarlı adına "Azərbaycanfilm" kinostudiyasında elmi-kütləvi və sənədli filmlər birliyi idarəsində baş redaktor, Azərbaycan Yazıçılar İttifaqında bədii ədəbiyyatın təbliği bürosunun direktoru olmuşdur (1961-1975).
Tümen, Perm, Novosibirsk və Altay vilayətlərində keçirilən ədəbiyyat günlərində iştirak etmişdir. Macarıstan Xalq Respublikasına yaradıcılıq təşkilatlarının təcrübə mübadiləsi müşavirəsinə göndərilən sovet yazıçıları nümayəndə heyətinin tərkibində olmuşdur (1980).
Azərbaycan yazıçılarının VII-VIII qurultaylarında Azərbaycan Yazıçıları İttifaqı təftiş komissiyasının sədri, IX qurultayında idarə heyətinin üzvü, qəbul komissiyasının və Şirvan filialının sədri seçilmişdir. Azərbaycan Ali Soveti Rəyasət Heyətinin Fəxri Fərmanı, "Əməkdə igidliyə görə" medalı ilə (1986) təltif olunmuşdur. Azərbaycan Yazıçılar Birliyində poeziya üzrə məsləhətçi işləmişdir (1975-ci ildən). 2002-ci ildən prezident təqaüdçüsü olub.[2]
16 noyabr 2016-cı ildə 86 yaşında Bakıda vəfat etmişdir.[3]
- Yazıçı, ssenarist Orxan Fikrətoğlunun atasıdır.
Əsərləri
[redaktə | mənbəni redaktə et]- Cığır. Bakı: Gənclik, 1963, 48 səh.
- Ömrün bir günü. Bakı: Azərnəşr, 1965, 44 səh.
- Dəniz küçəmizə gəlir. Bakı: Gənclik, 1968, 100 səh.
- Cırtdan hara getmişdir? Bakı: Gənclik, 1970, 32 səh.
- Sevgi yağışı, B., Gənclik, 1970, 230 səh., 9.000 nüs.
- Bala kirpi. Bakı: Gənclik, 1972, 10 səh.
- İşığın yaşı. Bakı: Gənclik, 1974, 200 səh.
- Göydə nə var. Bakı: Gənclik, 1978, 80 səh.
- Ağ cığır. Bakı: Yazıçı, 1979, 156 səh.
- Yerdən göyə ümid. Bakı: Yazıçı, 1981, 232 səh.
- Göydən alma düşmədi. Bakı: Gənclik, 1982, 52 səh.
- Məndən soruşsalar. Bakı: Yazıçı, 1985, 342 səh.
- Gəlin yuyaq dənizi. Bakı: Gənclik, 1988, 52 səh.
- Dünya öz işindədir. Bakı: Yazıçı, 1989, 182 səh.
- Seçilmiş əsərlər. Bakı: Gənclik, 1991, 381 səh.
- Sirli əlifba. Bakı: Ayna mətbu evi, 1998, 32 səh.
- Bir parça vətən. Bakı: Şirvannəşr, 1998, 20 səh.
- Ömrün birgünü. Bakı: Şirvannəşr, 2002, 20 səh.
- Sərhəddə səhər. Bakı: "Bilik" nəşriyyatı, 2002, 20 səh.
- Gözlədiyim ömür. Bakı: Şirvannəşr, 2003, 264 səh.
- Taleyin acığına. Bakı: "Qapp-Poliqraf" nəşriyyatı, 2003, 420 səh.
Tərcümələri
[redaktə | mənbəni redaktə et](rus və türk dilindən)
- S.Marşak. Axmaq siçan balasının nağılı. Bakı: Gənclik, 1971, 15 səh.
- Tofiq Fikrət. Şərmin. Bakı: Gənclik, 1972, 27 səh.
Filmoqrafiya
[redaktə | mənbəni redaktə et]- Cırtdanın yeni sərgüzəşti (film, 1973) (cizgi filmi)
- Fransa qəhrəmanı (film, 1975)
- Naxçıvan-50 (film, 1975) (sənədli film)
- Süleyman Rüstəm (film, 1976) (sənədli film)
- İçəri Şəhər (sənədli film)
İstinadlar
[redaktə | mənbəni redaktə et]- ↑ Kulis.Az. "Fikrət Sadıq vəfat edib" (az.). Kulis.lent.az. 16.11.2016. 2016-11-20 tarixində orijinalından arxivləşdirilib. İstifadə tarixi: 2016-11-16.
- ↑ "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). e-qanun.az. 07.09.2022 tarixində arxivləşdirilib. İstifadə tarixi: 05.10.2023.
- ↑ "Jurnalist Orxan Fikrətoğlunun atası tanınmış şair Fikrət Sadıq vəfat edib". 2021-03-02 tarixində arxivləşdirilib. İstifadə tarixi: 2016-11-16.