Göy atlı — Vikipediya
![](http://upload.wikimedia.org/wikipedia/commons/thumb/7/7f/Franz_Marc_029a.jpg/240px-Franz_Marc_029a.jpg)
Göy atlı (alm. Der Blaue Reiter) — XX əsrin əvvəllərində Almaniyada ekspressionizm (əsasən rəssamlar) nümayəndələrinin yaradıcılıq birliyi.
Birlik eyni adlı almanaxların müəllifidir.
Tarixi
[redaktə | mənbəni redaktə et]1911-ci ildə Münhendə Vasili Kandinski və Mark Frans tərəfindən Göy atlı birliyi yaradılmışdır. Bu birliyin əsas məqsədi akademik rəssamlığın daşlaşmış ənənələrindən azad olmaq idi. Onlardan başqa "Göy atlı" birliyində həmçinin, Avqust Make, Marianna Verevkina, Aleksey Yavlenski və Paul Kleye kimi rəssamlar var idi. Bu incəsənət birliyinin işində həmçinin rəqqaslar və bəstəkarlar da iştirak edirdilər. Onları orta əsrlər və primitiv incənətə maraq birləşdirmişdi.
Avqust Make və Mark Frans hesab edirdilər ki, hər bir insan gerçəkliyinin incəsənət vasitəsilə birləşdirilən daxili və xarici qavrayışı vardır. Bu ideya nəzəri cəhətdən Kandinski tərəfindən irəli sürülmüşdü.
![]() | Göy atlı adını biz Zindeldorfda bağda qəhvə stolunun arxasında oturduğumuz zaman fikirləşmişdik. Biz hər ikimiz göy rəngi sevirdik. Mark - atları, mən isə - atlıları. Beləliklə, ad belə şəkildə öz-özünə yaranmışdı. | ![]() |