Gülağa Zeynalov — Vikipediya
Gülağa Zeynalov | |
---|---|
![]() | |
Ümumi məlumatlar | |
Doğum tarixi | 28 aprel 1956 |
Doğum yeri |
|
Vəfat tarixi | 2 yanvar 2015 (58 yaşında) |
Vəfat yeri | |
Vətəndaşlığı | |
Musiqiçi məlumatları | |
Fəaliyyəti | musiqiçi |
Musiqi aləti | Tar |
Mükafatları | Ü.Hacıbəyov adına xalq çalğı alətləri I respublikalararası müsabiqənin laureatı |
Gülağa Tapdıq oğlu Zeynalov (28 aprel 1956, Şuşa, DQMV – 2 yanvar 2015, Bakı) — milli musiqi sənətinin tanınmış nümayəndələrindən biri, ustad tarzən, dosent.
Həyat və fəaliyyəti
[redaktə | mənbəni redaktə et]Gülağa Zeynalov 1956-cı il aprel ayının 28-də Şuşa şəhərində anadan olmuşdur. O, 1970-ci ildə Şuşa Musiqi Məktəbini, 1974-cü ildə Xankəndi Orta İxtisas Musiqi Məktəbini və 1980-ci ildə Ü. Hacıbəyov adına Azərbaycan Dövlət Konservatoriyasını bitirmişdir. Tarzən 1980–1982-ci illərdə M. M. Nəvvab adına Şuşa Orta İxtisas Musiqi Məktəbində müəllim, 1984–1986-cı illərdə Şuşa rayon Mədəniyyət Şöbəsinin müdiri vəzifəsində çalışmış, 1993–1995-ci illərdə Şuşa Dövlət Musiqili Dram Teatrının drijoru olmuşdur. Hər il Gürcüstan Respublikasının Dmanisi rayonunda (Başkeçid) keçirilən Borçalı Türklərinin Elat Mədəniyyəti Günlərində Qarabağ Üçlük Muğam Qrupunun rəhbəri kimi Qarabağın tanınmış ziyalıları ilə birgə Qarabağ həqiqətlərinin təbliğində böyük rolu olmuşdur. Gülağa Zeynalov Rusiyanın, Ukraynanın, Qazağıstanın, Türkiyənin, Almaniyanın iri konsert salonlarında çıxış etmişdir. Gənc yaşlarından Odessa, Berlin, İstanbul, Hollandiya, Qazaxıstan, Özbəkistan, Kiyev və başqa şəhərlərdə keçirilən festival və müsabiqələrdə iştirak etmişdir.[1]
Dirijorluq etdiyi komediyalar
[redaktə | mənbəni redaktə et]- "Arşın mal alan" Ü. Hacıbəyov;
- "Durna" S. Rüstəmov;
- "Özümüz bilərik" S. Ələsgərov;
- "Nənəmin şahlıq quşu" V. Adıgözəlov.
Mükafatları
[redaktə | mənbəni redaktə et]Gülağa Zeynalov respublika və Ümumittifaq festivallarının, o cümlədən 1986-cı ildə keçirilən Ü. Hacıbəyov adına xalq çalğı alətləri I respublikalararası müsabiqənin laureatı olmuşdur.
Vəfatı
[redaktə | mənbəni redaktə et]Gülağa Zeynalov 2015-ci ilin 2 yanvar tarixində vəfat etmişdir.[2]
Xatirəsi
[redaktə | mənbəni redaktə et]2016-cı ildə tarzən Gülağa Zeynalovun həyat və yaradıcılığına həsr olunmuş rejissoru Əlinasir İmanlı olmuş "Sarı simin sızıltısı" adlı film çəkilmişdir.
Həmçinin bax
[redaktə | mənbəni redaktə et]Xarici keçidlər
[redaktə | mənbəni redaktə et]İstinadlar
[redaktə | mənbəni redaktə et]- ↑ Əziz dostumuzu itirdik-VIDEO-YENİLƏNDİ [ölü keçid]
- ↑ "Tarzən Gülağa Zeynalov dünyasını dəyişib". 2015-01-12 tarixində arxivləşdirilib. İstifadə tarixi: 2019-01-07.