Halifaks — Vikipediya

Regional Bələdiyyə
Halifaks
ing. Halifax
44°38′52″ şm. e. 63°34′17″ q. u.HGYO
Ölkə	Kanada
Rayon	Yeni Şotlandiya
Mer	Mayk Saveyc
Tarixi və coğrafiyası
Əsası qoyulub	1749 (kiçik şəhər) 1842 (şəhər) 1 aprel 1996 (regional bələdiyyə)
Sahəsi	5.490,18 km²
Mərkəzin hündürlüyü	145 m
Saat qurşağı	UTC−4
Əhalisi
Əhalisi	414.400 nəfər (2014)
Rəqəmsal identifikatorlar
Telefon kodu	+1 902
Nəqliyyat kodu	902
Digər
halifax.ca/home/  (ing.)
Xəritəni göstər/gizlə Halifaks
Vikianbarda əlaqəli mediafayllar

Halifaks (ing. Halifax) — Kanadanın Yeni Şotlandiya əyalətinin paytaxtı. 1996-cı ildə ətrafındakı kiçik şəhərlərlə birləşərək Halifaks regional bələdiyyəsini (ing. Halifax Regional Münicipalıty və ya qısaca HRM) əmələ gətirmiş və bu tarixdən etibarən şəhər bu statusla tanınmışdır. 2014-cü ildəki siyahıalmaya görə şəhər əhalisi 414.400 nəfərdir və Kanadanın Atlantik əyalətlərinin ən böyük şəhəridir.

Şəhərin şüari "Dənizdən sərvət" (lat. "E Mari Merces") şəklindədir.

Avropalılar bu ərazidə ilk dəfə Halifaks yarımadasında məskunlaşmışdırlar. Şəhər kimi 1749-cu ildə tanınmışdır. Şəhər adını buradakı koloniyaya başçılıq etməyə təyin olunan Qraf Halifaksdan almışdır.

Şəhərin qurulması Ata Le Lutr müharibəsinin ilk illəri ilə üst-üstə düşür.

Şəhərin iqliminə ən çox Atlantik okeanı təsir göstərir. İqlim Orta Kanadadakı iqlimə nisbətən daha yumşaqdır. Şəhərin mərkəzi hissələrində temperatur -15 °C ilə 35 °C arasında dəyişir. Sahil zonasında qış daha yumşaq, yay daha sərin keçir.

Halifaks şərqi Kanadanın ən əhəmiyyətli iqtisadi mərkəzlərindən biridir. Halifaksda bir çox şirkətin binası yerləşir. Yeni Şotlandiya əyalətinin paytaxtı olduğundan şəhərdə hökumət qurumlarının binası vardır.

Şəhər iqtisadiyyatının əsasını mədəncilik, əkinçilik, odunculuq, balıqçılıq, təbii qaz çıxartmaq təşkil edir.

Şəhərdə Dalhouzi Universiteti, Sent Meri Universiteti, Mount Sent Vinsent Universiteti, Kinqs Kolleci Universiteti, Atlantika Teologiya Məktəbi, NSCAD Universiteti və Sent-Anna Universiteti yerləşir. Şəhər şərqi Kanadanın universitet mərkəzlərindən biridir.

• Liverpul, İngiltərə, Böyük Britaniya
• Hakodate, Yaponiya
• Kampeçe, Meksika
• Norfolk, ABŞ

Vikianbarda Halifaks ilə əlaqəli mediafayllar var.

• halifax.ca — Rəsmi saytı
• Tarixi abidələriArxivləşdirilib 2012-04-30 at the Wayback Machine