Lake Malawi — Vikipediya
Lake Malawi | |
---|---|
![]() Lake Malawi 2018-ci ildə | |
Əsas məlumatlar | |
Üslub | indi-pop |
Ölkə | ![]() |
Şəhər | Trşinets |
Heyət | Albert Çerni Yeronim Şubrt Antonin Hrabal |
Keçmiş üzvlər | Pavel Palat Patrik Karpentski |
![]() |
Lake Malawi — 2013-cü ildə Çexiyada qurulmuş indi pop qrupu. Qrup vokalist, gitaraçı və keybordist Albert Çerni, bassist və keybordist Yeronim Şubrt və barabançı Antonin Hrabaldan təşkil olunmuşdur. Lake Malawi Çerni tərəfindən Charlie Straight musiqi qrupunun parçalanmasından sonra yaradılmışdır. 2015-ci ildə qrupun We Are Making Love Again adlı mini-albomu, 2017-ci ildə isə Surrounded by Light adlı debüt studio albomu buraxılmışdır. Lake Malawi qrupu Çexiyanı İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil etmişdir.
Yaranma tarixi
[redaktə | mənbəni redaktə et]Lake Malawi qrupun vokalisti Albert Çerni tərəfindən Charlie Straight musiqi qrupunun parçalanmasından sonra 2013-cü ilin sentyabr ayında qurulmuşdur. Qrupun adı Bon Iver qrupunun "Calgary" mahnısından ilhamlanaraq, qoyulmuşdur. 2014-cü ildə qrupun debüt sinqlı "Always June" təqdim olunmuşdur. Həmin ildə Lake Malawi Çexiyanın Colours of Ostrava, Rock for People festivallarında və Böyük Britaniyada isə The Great Escape Festivalında çıxış etmişdir. 2015-ci ildə qrupun We Are Making Love Again adlı mini-albomu buraxılmışdır. 2016-cı ildə isə qrupun ilkin üzvlərindən biri olan Pavel Palat qrupdan ayrılmış və onun yerinə qrupda Antonin Hrabal yer almışdır.
2017-ci ildə qrupun Surrounded by Light adlı debüt studio albomu işıq üzü görmüşdür.[1] Albomda yer alan "Surrounded by Light" və "Paris" mahnıları Çexiya hit-paradlarına daxil ola bilmişdir. 2019-cu ildə Lake Malawi qrupunun "Friend of a Friend" mahnısı ilə Çexiyanın ČT telekanalının 2019 Avroviziya Mahnı Müsabiqəsi üçün təşkil etdiyi milli seçim turunda iştirak edəcəyi təsdiqlənmişdir.[2][3][4] Yanvar ayının 28-də qrupun həmin mahnı ilə Çexiyanı İsrailin Tel-Əviv şəhərində keçirilən Avroviziya 2019-da təmsil edəcəyi elan edilmişdir.
Lake Malawi qrupu müsabiqə üçün aparılan uzun məşqlərdən sonra 14 may tarixində baş tutan yarımfinal mərhələsində 6-cı nömrə altında çıxış etmişdir. Nəticədə 242 xalla 2-ci yerdə qərarlaşaraq, final mərhələsinə vəsiqə qazanmışdır. Müsabiqənin finalında bir daha çıxış edən qrup 26 ölkə təmsilçisinin mübarizə apardığı şouda 157 xal toplayaraq, 11-ci yerdə qərarlaşmışdır.
Heyət
[redaktə | mənbəni redaktə et]- Albert Çerni (2013–h.h.) – vokal, gitara, klaviatura
- Yeronim Şubrt (2013–h.h.) – bass, klaviatura
- Antonin Hrabal (2016–h.h.) – baraban
Keçmiş üzvlər
[redaktə | mənbəni redaktə et]- Pavel Palat (2013–16) – baraban
- Patrik Karpentski (2013–17) – gitara
Diskoqrafiya
[redaktə | mənbəni redaktə et]Albomlar
[redaktə | mənbəni redaktə et]- Surrounded by Light (2017)
Mini-albomlar
[redaktə | mənbəni redaktə et]- We Are Making Love Again (2015)
Sinqllar
[redaktə | mənbəni redaktə et]Mahnı adı | İl |
---|---|
"Always June" | 2014 |
"Chinese Trees" | |
"Aubrey" | 2015 |
"Young Blood" | |
"We Are Making Love Again" | 2016 |
"Prague (In the City)" | 2017 |
"Surrounded by Light" | |
"Not My Street" | |
"Bottom of the Jungle" | |
"Paris" | |
"Spaced Out" | 2018 |
"Friend of a Friend" | 2019 |
İstinadlar
[redaktə | mənbəni redaktə et]- ↑ "RECENZE: Lake Malawi debutují na světové úrovni" (çexcə). iReport. 5 dekabr 2017. 2019-02-17 tarixində arxivləşdirilib. İstifadə tarixi: 2019-01-28.
- ↑ "O Eurovizi se utká osm interpretů včetně Lake Malawi či Jakuba Ondry". iDNES.cz (çexcə). 7 yanvar 2019. 2019-04-13 tarixində arxivləşdirilib. İstifadə tarixi: 2019-01-28.
- ↑ "Czech Republic: Eurovision Song CZ 2019 Entries Released". Eurovoix. 7 yanvar 2019. 2019-01-08 tarixində arxivləşdirilib. İstifadə tarixi: 2019-01-28.
- ↑ "Czech Republic presents 8 hopefuls and songs for Eurovision 2019". AYİ. 7 yanvar 2019. 2019-03-28 tarixində arxivləşdirilib. İstifadə tarixi: 2019-01-28.
Əvvəlki: Mikolas Yosef "Lie to Me" | Çexiya Avroviziya Mahnı Müsabiqəsində ![]() 2019 | Sonrakı: — |