Ledenika mağarası — Vikipediya

Ledenika mağarası
Ledenika mağarası
	bolq. Леденика
Ümumi məlumatlar
Uzunluğu	320 m
Kəşf tarixi	1961
Yerləşməsi
	43°12′16″ şm. e. 23°29′28″ ş. u.HGYO
Ölkə	Bolqarıstan
	parkledenika.com
	Ledenika mağarası
	Vikianbarda əlaqəli mediafayllar

Ledenika (bolq. Леденика) — Bolqarıstanın şimal-qərbində mağara.^[1] Mağara Balkan dağlarında, Varsa şəhərinin 16 kilometrliyində yerləşir. Mağara daxili qeyri-adi mağara relyf formaları ilə məşhurdur. Mağaraya giriş dəniz səviyyəsindən 830 metr hündürlükdə, konusvari çökəkliyin dibində yerləşir.

Ledenika mağarasının uzunluğu 320 metr olub 10 zaldan ibarətdir. 1961-ci ildə kəşf olunmuş və o ildən turistlərin ziyarətinə açıqdır.^[1] Antaraktidakı Qreyam Torpağındakı Ledenika piki bu mağaranın adını daşıyır.^[2] Mağara geoloji baxımdan pliosen epaxasında formalaşmışdır^[3].

Ümumi məlumat

Mağara daxilində temperatur −7 °C, −15 °C, və mağaranın dərinliyində 8 °C olur. Havanın rütubətliyi 92 %. Flora və fauna baxımdan mağara kasıbdır. Hər canlı bu şəraitə uyğunlaşa bilməmişdir. Mağarada yarasalar, mağara böcəkləri, otyeyən həşaratlar, hörümçəklər üstünlük təşkil edir. Bitki aləmindən ancaq mamırlara və şibyələrə rast gəlinir.

Mağaradakı ən aşağıdakı zalda qış və yaz aylarında buz stalaktit, stalaqmit və şəlalələr formalaşır. Daha sonra dairəvi formada olan — "Malkata" (kiçik) zalı yerləşir. Mağaradakı ən böyük zal "Konsert zalı "adlanır. Eni 45 metr, uzunluğu isə 60 metrdir. Maksimal hündürlük 22,7 metrdir. Zal özünün yaxşı akustikası ilə diqqət çəkir. O üzdən tez-tez bu zalda konsertlər təşkil olunur^[1]. Mağaradakı zallardakı formalar xarici görünüşünə görə timsahı, insan kəlləsini, qartalı, şaxta babanı və s. xatırladır. Konsert zalında "Soyuducu" adlı kiçik göl yerlşir.

Mağara osmanlı imperiyası zamanından məlum idi. Mağaradan çobanlar qoyun südü saxlamaq üçün istifadə edirdilər. Mağaranı rəsmi olaraq ilk dəfə 1925-ci ildə bolqar botaniki və speleoloqu Nenka Radev xəritəyə əlavə etmişdir.

Turizm

Bolqarıstan Turizm Birliyi Ledenika mağarasını "Bolqarıstanın 100 turistik yeri" siyahısına daxil etmişdir. Mağara turistlər üçün açıldıqdan sonra Bolqarıstanın ən görməli mağaralarından birinə çevrilmişdir. 1980-ci illərin axırında mağaranı illik 100.000 turist ziyarət etmişdir.^[4]

İstinadlar

↑ ¹ ² ³ Scheffel, Richard L.; Wernet, Susan J., eds. (1980). Natural Wonders of the World. United States of America: Reader's Digest Association, Inc. pp. 215. ISBN 0-89577-087-3.
↑ "SCAR Composite Gazetteer". data.aad.gov.au. 2017-04-08 tarixində arxivləşdirilib. İstifadə tarixi: 2024-05-27.
↑ Shanov, Stefan; Kostov, Konstantin. Dynamic Tectonics and Karst (ingilis). Springer. 2014-09-23. ISBN 978-3-662-43992-0. 2024-05-29 tarixində arxivləşdirilib. İstifadə tarixi: 2024-05-29.
↑ "Cave "Ledenika"". Amusement park Ledenika (ingilis). 2017-03-05 tarixində arxivləşdirilib. İstifadə tarixi: 2017-04-08.

[:0-1] ¹ ² ³ Scheffel, Richard L.; Wernet, Susan J., eds. (1980). Natural Wonders of the World. United States of America: Reader's Digest Association, Inc. pp. 215. ISBN 0-89577-087-3.

[2] "SCAR Composite Gazetteer". data.aad.gov.au. 2017-04-08 tarixində arxivləşdirilib. İstifadə tarixi: 2024-05-27.

[3] Shanov, Stefan; Kostov, Konstantin. Dynamic Tectonics and Karst (ingilis). Springer. 2014-09-23. ISBN 978-3-662-43992-0. 2024-05-29 tarixində arxivləşdirilib. İstifadə tarixi: 2024-05-29.

[park-4] "Cave "Ledenika"". Amusement park Ledenika (ingilis). 2017-03-05 tarixində arxivləşdirilib. İstifadə tarixi: 2017-04-08.

[1]

[2]

[3]

[4]