Lerik Tarix-Diyarşünaslıq Muzeyi — Vikipediya
Lerik Tarix-Diyarşünaslıq Мuzeyi | |
---|---|
Əsası qoyulub | 1982 |
Mövzu | Tarix |
Kolleksiyası | 4700 eksponat |
Direktor | Sevil Fitat qızı Ağayeva |
Telefon | (+994 25) 274-47-90 |
İş rejimi | (II – VII) 10:00 – 18:00[1] |
Lerik Tarix-Diyarşünaslıq Muzeyi — Lerik rayonunun tarixi, mədəni irsini təqdim edən və turistlər üçün maraq doğuran rayon daxilində muzey. Lerik rayonunun tarixini əks etdirən çoxlu sayda eksponat var. Tarix-Diyarşünaslıq Muzeyinə Sevil Fitat qızı Ağayeva rəhbərlik edir.
Yaranması
[redaktə | mənbəni redaktə et]Lerik Tarix-Diyarşünaslıq muzeyi 1983-cü ildən fəaliyyət göstərir. Muzeyin ərazisi 260 kv/m-dir. Muzeyin həyətyani sahəsində arxeoloji nümunələr sərgilənir. Eksponatların sayı 4700 ədəddir[2]
Muzey eksponatları
[redaktə | mənbəni redaktə et]1983-cü ildən fəaliyyət göstərən M. Ə. Rüstəmov adına Lerik Rayon Tarix-Diyarşünaslıq Muzeyi Lerikin keçmiş və indiki tarixini eksponatlar vasitəsilə nümayiş etdirir. Muzeydə Azərbaycan Prezidenti İlham Əliyevin Lerikə üç səfərinə aid foto-stendlər və ulu öndər Heydər Əliyevin əsərləri və fotoları yer almışdır. Muzeydə rayonun arxeologiyasına, flora və faunasına, görkəmli şəxsiyyətlərini, alim və yazıçılarını, məişətini, tətbiqi sənət nümunələrini, Qarabağ şəhidlərini və Böyük Vətən Müharibəsi vetranlarını tanıtdıran eksponatlar vardır. Ekspopnatlar arasında eramızdan əvvəl XIV–XII əsrlərə aid tunc xəncərlər, ox ucluqları, amuletlər və s. maddi mədəniyyət nümunələri vardır. Eksponatlar arasında — Morqan qardaşları Lerikə səfərlərini özlərinin yazdıqları kitablarda da qeyd ediblər: "Jan və Henri qardaşları bu zonaya səfərləri barədə "İrana elmi səfər" və "Sirli Şərq" kitablarında məlumat veriblər. Bundan əlavə, muzeydə ən məşhur eksponatlardan biri — dünyanın ilk uzunömürlü sakini kimi bilinən, 150 ildən çox ömür sürmüş Mahmud Eyvazovun "Dayandoldurum" tüfəngidir. Eləcə də Tunc dövrünə aid döyüş paltarları, bəzək əşyaları, əntiq məişət əşyaları və Daş dövrünə aid alətlər də bizim muzeydə qorunur. Üç əsrlik tarix
Muzey binası
[redaktə | mənbəni redaktə et]Binada: 2 otaq, 6 eksponat salonu vardır.
- 1-ci zalda Lerik rayonunun flora və faunası, tarixi abidələri;
- 2-ci zalda arxeologiya və numizmatika nümunələri;
- 3-cü zalda etnoqrafiyaya aid eksponatlar;
- 4-cü zalda Xalq Cümhuriyyətinə, Lerikin görkəmli şəxsiyyətlərinə aid foto-stendlər və kitabxana təşkil olunmuşdur;
- 5-ci zalda Hərbi-Vətənpərvərliyə həsr olunmuş, Böyük Vətən müharibəsində, Qarabağ döyüşlərində həlak olan leriklilər haqqında, 20 Yanvar faciəsi və Xocalı soyqırımına aid foto-stendlər yerləşdirilimişdir;
- 6-cı zalda Ümummilli Lider Heydər Əliyev və Azərbaycan Respublikasının Prezidenti İlham Əliyev cənablarının həyat və fəaliyyətini əks etdirən fotolar nümayiş etdirilir.[3]
Həmçinin bax
[redaktə | mənbəni redaktə et]Xarici keçidlər
[redaktə | mənbəni redaktə et]- Azərbaycan muzeyləri
- Kataloq.az
- Mədəniyyət müəssisələri
- Lerik Rayon Tarix-Diyarşünaslıq muzeyi ilə tanışlıq
İstinadlar
[redaktə | mənbəni redaktə et]- ↑ "Lerik Rayon Tarix-Diyarşünaslıq Muzeyi haqqında məlumat". 2020-10-21 tarixində arxivləşdirilib. İstifadə tarixi: 2020-10-19.
- ↑ "Min ilin sirri". 2021-08-01 tarixində arxivləşdirilib. İstifadə tarixi: 2020-10-19.
- ↑ "Azərbaycan muzeyləri". 2020-10-21 tarixində arxivləşdirilib. İstifadə tarixi: 2020-10-19.