Mingəçevir TV — Vikipediya
Mingəçevir TV | |
---|---|
![]() | |
Ölkə | ![]() |
Yayım ərazisi | Mingəçevir |
Dil | Azərbaycan dili |
Baş qərargah | Mingəçevir, Azərbaycan |
Yaranma tarixi | 4 may 1998 |
Bağlanma tarixi | 24 may 2021 |
Şüar | Regionun televiziyası |
Qardaş kanallar | Alvin Channel tv |
Mingəçevir TV — 1998-ci ildə Mingəçevir şəhərində yayıma başlayan televiziya kanal idi.
Tarixçə
[redaktə | mənbəni redaktə et]"Mingəçevir" TV 4 may 1998-ci ildə yaradılmışdır. Məqsəd əhali üçün gündəlik ictimai-siyasi xəbərlər, bədii-əyləncəli proqramlar, uşaqlar üçün cizgi filmlər, ədəbi-bədii, o cümlədən tənqid-təbliğ xarakterli verilişlər, video filmlərin yayımlanmasıdır.
Mingəçevir Televiziya və Radio Şirkəti 1998-ci ildə Ədliyyə Nazirliyindən qeydiyyatdan keçmişdir. Nazirlik tərəfindən fəaliyyəti ilə əlaqədar nizamnaməsi təsdiq olunmuş və 10/63 saylı şəhadətnamə verilmişdir. MTV-nin hüquqi, maddi texniki bazasını, yaradıcılıq imkanlarını və kadr potensialını nəzərə alaraq 12-ci kanala qanuni fəaliyyəti üçün lisenziya verilmişdir. Telekompaniya gündəlik xəbərlər proqramı, həftəlik analitik proqram, habelə müxtəlif ictimai-siyasi, sosial-iqtisadi, hüquqi-elmi, maarifləndirmə və əyləncəli proqramlar hazırlayıb efirə yayımlayır. Teleşirkətin yayımı 16 rayon və şəhəri əhatə edir. Şirkətin kollektiv üzvləri əsasən gənclərdir və 50%-ə yaxını qızlardır. Şirkətin idarəetmə strukturu təsisçi tərəfindən təsdiq olunmuşdur. Struktura əsasən inzibatçılıq, maliyyə-təsərrüfat fəaliyyətinə nəzarət icraçı direktor həyata keçirir. Bundan əlavə xəbərlər, verilişlər, sosial-iqtisadi araşdırmalar, gənclər, reklam, hüquq layihə və təkliflər, texniki nəzarət və istehsalat, efir və proqramlar üçün xidmət departamentləri təşkil edilmişdir. Bütün idarəetmə strukturuna şirkətin prezidenti nəzarət edirdi. 2010-cu il noyabrın 7-nə təyin edilmiş Azərbaycan Respublikasının Milli Məclisinə seçkilərlə əlaqədar Mərkəzi Seçki Komissiyasına bildiriş təqdim etmiş kütləvi informasiya vasitələrinin son siyahısına Mingəçevir Televiziya və Radio Şirkəti əlavə edildi[1].
"Mingəçevir" TV-nin təsisçisi Məmmədov Vahid Əziz oğlu idi.
Ümumi efir vaxtının 18 faizini ölkədə istehsal olunan proqramlar, 37,5 faizini xaricdə istehsal olunan proqramlar, 44,5 faizini şəxsi istehsal proqramları təşkil edirdi.
Milli Televiziya və Radio Şurasının 24 may 2021-ci il tarixli iclasında "Mingəçevir TV"nin regional televiziya yayımının bir il ərzində 60 gün əsassız həyata keçirilmədiyini nəzərə alaraq televiziya yayımçısının lisenziyasına xitam verilməsi barədə müvafiq qərarlar qəbul edilib[2].
Verilişlərin siyahısı
[redaktə | mənbəni redaktə et]- Sevgi Mesajları
- Mövqe
- Vergi Saatı
- Yol Üstü
İstinadlar
[redaktə | mənbəni redaktə et]- ↑ "Arxivlənmiş surət". 2021-02-27 tarixində arxivləşdirilib. İstifadə tarixi: 2023-06-07.
- ↑ "Arxivlənmiş surət". 2022-07-05 tarixində arxivləşdirilib. İstifadə tarixi: 2023-06-07.