Papa — Vikipediya
Roma Papası | |
---|---|
lat. Pontifex Romanus | |
![]() | |
![]() Vəzifədədir Fransisk 13 mart 2013 | |
Başçılıq edir | Katolik kilsəsini (dini cəhətdən)![]() |
Rəsmi iqamətgahı | Həvari sarayı |
Səlahiyyət müddəti | Ömürlük |
Vəzifənin təsis tarixi | 33-cü il |
Vəzifədə birinci | Müqəddəs Pyotr (xristian rəvayətinə görə) |
Rəsmi saytı | vatican.va/holy_father/i… vatican.va/holy_father/i… vatican.va/holy_father/i… vatican.va/holy_father/i… vatican.va/holy_father/i… vatican.va/holy_father/i… vatican.va/latin/latin_p… |
![]() |
Roma Papası — Roma Baş yepiskopu, Roma Katolik Kilsəsinin başçısı, Katolik xristianların dini lideridir. Katoliklərə görə Həvari Pyotrun xələfidir.
İlk zamanlar bütün yepiskoplara verilən papa ünvanı, sonralar yalnız Roma Yepiskopu üçün istifadə edilməyə başlandı. Katolik kilsəsi, kilsə çərçivəsində Pyotr və xələflərinin təmsil etdiyi ən uca vəzifə olan papalığın ilahi bir qurum olduğunu iddia edir: İsa, papalıq vəzifəsini Pyotra təhvil vermiş və Pyotr da bu vəzifəni faktiki görmüşdür. Kilsədə yerləşmiş bir ənənəyə görə Pyotr, Romada din qurbanı olaraq ölmüşdür, bu səbəblə də ən təbii varisləri Romalı yepiskoplardır.
Tarix
[redaktə | mənbəni redaktə et]Papalıq tarixi bir çox baxımdan kilsə tarixi ilə birləşir; bununla birlikdə bu tarixin bəzi dövrləri Papalıq qurumunun inkişafı baxımından ayrı bir xüsusiyyət daşıyır. İlk üç əsr ərzində papalar, daha çox Roma kilsəsinə əhəmiyyət vermişlər; amma qısa bir müddət sonra müxtəlif ölçülərdə başqa kilsələrə də qarışmağa başladılar: məsələn Papa I. Klementin Korintoslulara Məktubu (I əsrin sonu); Papa Viktorun Pasxa tarixi mövzusunda çıxan müzakirələrə müdaxiləsi (II əsrin sonu) və s. böyük kilsələrarası qurultay dövründə (IV və V əsr) papanın öndərlik təsiri daha da açıq şəkildə meydana çıxdı; 451'dəki Kadıköy məclisi, "Pyotrun Papa Leonun ağzında iradəsini bildirdiyini" irəli sürdü.