Qabil Quliyev — Vikipediya
Qabil Quliyev | |
---|---|
Qabil Əzizulla oğlu Quliyev | |
Digər adı | Qabil Quliyev |
Doğum tarixi | |
Doğum yeri | Tahirli, Cəlilabad rayonu, Azərbaycan SSR, SSRİ |
Milliyyəti | azərbaycanlı |
Vətəndaşlığı | ![]() ![]() |
Fəaliyyəti | aktyor |
Fəaliyyət illəri | 1973–indiyədək |
Təhsili | M.A.Əliyev adına Azərbaycan Dövlət İncəsənət İnstitutu |
Mükafatları | ![]() ![]() |
Qabil Əzizulla oğlu Quliyev (d. 19 aprel 1949) — azərbaycanlı aktyor, Azərbaycan Respublikasının xalq artisti, Azərbaycan Respublikası Prezidentinin fərdi təqaüdçüsü (2020-ci ildən).
Həyatı
[redaktə | mənbəni redaktə et]Qabil Mehdixanlı 19 aprel 1949-cu ildə Cəlilabad rayonunun Tahirli kəndində anadan olub.[1] O, ilk təhsilini 8 illik kənd məktəbində, orta təhsilini Cəlilabad 1 saylı şəhər orta məktəbində almışdır.[1] 1966-cı ildə orta məktəbin 10-cu sinfini bitirdikdən sonra Bakı Neft Sənayesi məktəbində oxumuş və bu təhsil ocağını fərqlənmə diplomu ilə bitirərək 1968-ci ildə M. A. Əliyev adına Azərbaycan Dövlət İncəsənət İnstitutunun "Dram və kino aktyorluğu" fakültəsinin əyani şöbəsinə daxil olmuşdur.[2] Azərbaycanın xalq artistləri Əliheydər Ələkbərov və professor Rza Təhmasibin sinfində təhsil almışdır.[3] Tələbəlik illərində Akademik Dövlət Dram Teatrında əvvəlcə səhnə quraşdırıcısı, sonra isə yardımçı aktyor heyətində aktyor kimi çalışmışdır.[3] 1972-ci ildə institutu bitirdikdən sonra təyinatla onu Sumqayıt Dövlət Musiqili Dram Teatrına göndərsələr də, bu təyinatla razılaşmayıb hərbi xidmətə yollanır və Moskvada "Mosfilm" kinostudiyasının hərbiləşdirilmiş kino-bazasında xidmət edir.[3] O burada kütləvi səhnələrin çəkilişlərində iştirak edir, kaskadyorluq sənətinin sirlərinə yiyələnir.[3] Bir ildən sonra hərbi xidmətini başa vurub vətənə dönür və taleyini Lənkəran Dövlət Dram Teatrına bağlayır.[2]
Ailəlidir, iki qız övladı var.[1] Xalq artisti Nurəddin Mehdixanlının böyük qardaşıdır.
Fəaliyyəti
[redaktə | mənbəni redaktə et]1973-cü ildən Nəcəf bəy Vəzirov adına Lənkəran Dövlət Dram Teatrında aktyor vəzifəsində çalışır.[2] 100-dən artıq tamaşada rol alıb. Bir neçə bədii filmə çəkilib. Lənkəran Dövlət Universitetində 12 il etika, estetika və kulturologiyadan dərs deyib.
Adlar və mükafatlar
[redaktə | mənbəni redaktə et]- Azərbaycan əməkdar artisti (1979)[2]
- Azərbaycan xalq artisti (2000)[2]
- Prezident Mükafatları (9 may 2012; 30 aprel 2014[4]; 6 may 2015[5]; 6 may 2016[6]; 1 may 2017[7]; 9 may 2018[8]; 10 may 2019[9])
- Azərbaycan Teatr Xadimləri İttifaqının "Şərəf" mükafatı (2009)[3]
- 7 may 2020-ci ildə Azərbaycan Respublikası Prezidentinin fərdi təqaüdünə layiq görülmüşdür.[10]
Teatr səhnəsindəki rolları
[redaktə | mənbəni redaktə et]- M. Musiyenko. "Nəsillər eşidin" – Kapitan Kartaşov (1974)[2]
- Nəbi Xəzri. "Sən yanmasan" — Yanar (1974)
- Nazim Hikmət. "Bayramın birinci günü" – Firuz (1974)
- Cəfər Cabbarlı. "Oqtay Eloğlu" – Oqtay (1975)
- Uilyam Şekspir. "Qış nağılı" – Poliksen (1976)
- Səməd Vurğun. "Vaqif" — Qacar (1976)
- Rüstəm İbrahimbəyov. "Yaşıl qapı arxasında qadın" – Saleh (1976)
- M. Hüseyn. "Alov" – Kamalov (1978)
- N. Miroşniçenko. "Üçüncü nəsil" – Valter (1978)
- İ. Hüseynov. "Bir kişi vardı" – Mursaqulu (1979)
- İlyas Əfəndiyev. "Atayevlər ailəsi" – Şahsuvarov (1980)
- Anar. "Şəhərin yay günləri" – Şamxal (1980)
- Cəlil Məmmədquluzadə. "Ölülər" – İsgəndər (1983)
- V. Vişnevski. "Nikbin faciə" – Kapitan (1983)
- Səməd Vurğun. "Fərhad və Şirin" – Xosrov (1984)
- Üzeyir Hacıbəyov. "Olanlardan-keçənlərdən" – Mirzə (1985)
- V. Hüseynov. "Yuxuda zarafat" – Lətif Lələyeviç (1985)
- Fridrix Şiller. "Qaçaqlar" – Fon Moor (1985)
- Bəxtiyar Vahabzadə. "Yağışdan sonra" – Aslan (1989)
- Nikolay Qoqol. "Müfəttiş" – Zemlyanika (1989)
- Ş. Qurbanov. "Sənsiz" – Fərhad (1989)
- S. Stratiyev. "Avtobus" – Ağıllı (1990)
- Nazim Hikmət. "Demoklisin qılıncı" – AB (1992)
- Y. Edlis. "Kölgələrin oyunu" – Antonio (1995)
- B. Nuşiç. "Nazirin xanımı" – Ninkoviç (2003)
- Sofokl. "Şah Edip" – Edip (2007)
- Q. Fiqeyredo. "Ezop" – Ksanf (2008)
- M. Xubai. "Neron" – Pavel (2009)
Filmoqrafiya
[redaktə | mənbəni redaktə et]- Gürzə (film, 2008) (bədii serial) (rol: hakim)
- 2 (film, 2009) (qısametrajlı bədii film) (rol: ata)
- Cavad xan (film, 2009) (tammetrajlı bədii film) (rol: gürcü Aleksandr)
- Köhnə dəyirman (film, 2009) (bədii serial) (rol: Çingiz xan)
- Təlatüm II (film, 2011)
- Yol (film, 2011) (qısametrajlı bədii film) (rol: professor)
- Qız yükü (film, 2013–2014) (bədii serial) (rol: Kamil)
- Sevginin göz yaşları (teleserial, 2013) (bədii serial) (rol: Bahadur)
İstinadlar
[redaktə | mənbəni redaktə et]- ↑ 1 2 3 Ramilə Qurbanlı. "Qabil Quliyev: "Hərbi xidmətimi kinoya çəkilməklə keçirdim"" (az.). Lent.az. 18 iyul 2014. İstifadə tarixi: 2017-08-24.[ölü keçid]
- ↑ 1 2 3 4 5 6 Təranə Vahid. ""Səhnə aynadır, tamaşaçı orada özünü görməlidir"". Mədəniyyət (az.). [anl.az ANL]. 10 avqust 2011. 2019-09-13 tarixində arxivləşdirilib. İstifadə tarixi: 2017-08-24.
- ↑ 1 2 3 4 5 "Qabil Quliyev" (az.). Lənkəran Dövlət Dram Teatrı. 2017-12-22 tarixində orijinalından arxivləşdirilib. İstifadə tarixi: 2017-08-24.
- ↑ "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2018-04-07 tarixində arxivləşdirilib. İstifadə tarixi: 2014-04-30.
- ↑ "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2018-12-27 tarixində arxivləşdirilib. İstifadə tarixi: 2015-09-03.
- ↑ "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2017-07-23 tarixində arxivləşdirilib. İstifadə tarixi: 2016-05-06.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 01.05.2017. 2017-05-04 tarixində arxivləşdirilib. İstifadə tarixi: 2017-05-02.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 09.05.2018. 2018-06-12 tarixində arxivləşdirilib. İstifadə tarixi: 2018-05-10.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 10.05.2019. 2019-05-11 tarixində arxivləşdirilib. İstifadə tarixi: 2019-05-10.
- ↑ President.Az. "Azərbaycan mədəniyyət xadimlərinə Azərbaycan Respublikası Prezidentinin fərdi təqaüdünün verilməsi haqqında Azərbaycan Respublikası Prezidentinin Sərəncamı" (az.). President.az. 2020-05-07. 2020-10-30 tarixində arxivləşdirilib. İstifadə tarixi: 2020-05-07.