Qafar Cəbiyev — Vikipediya

Qafar Cəbiyev
Qafar Cəfər oğlu Cəbiyev
Doğum tarixi 17 avqust 1950(1950-08-17) (74 yaş)
Doğum yeri
Elmi dərəcəsi
İş yerləri
Təhsili
Mükafatları Azərbaycan Respublikasının əməkdar jurnalisti

Qafar Cəfər oğlu Cəbiyev[1] (17 avqust 1950, Talıstan, İsmayıllı rayonu)[2] — Azərbaycan tarixçisi, tarix elmləri doktoru (2008), professor[1], Azərbaycan Respublikasının Əməkdar jurnalisti[2] (2012[3]).

Həyatı

[redaktə | vikimətni redaktə et]

Qafar Cəfər oğlu Cəbiyev 17 avqust 1950-ci ildə İsmayıllı rayonunun Talıstan kəndində dünyaya gəlmişdir. 1969-cu ildə H. Zərdabi adına Kirovabad Dövlət Pedaqoji İnstitutunun tarix fakültəsini fərqlənmə diplomu ilə bitirmişdir. 1973–1974-cü illərdə İsmayıllı rayonunun Talıstan kənd orta məktəbində tarix müəllimi, 1974–1976-cı illərdə "Zəhmətkeş" rayon qəzetində məktublar şöbəsinin müdiri, 1977–1978-ci illərdə "Bilik" cəmiyyəti İsmayıllı rayon təşkilatının məsul katibi işləmişdir. 1978–1980-ci illərdə Azərbaycan KP İsmayıllı rayon komitəsində təlimatçı, 1980–1981-ci illərdə "Zəhmətkeş" qəzetində redaktor müavini vəzifəsində çalışmışdır. 1980-ci ildə Azərbaycan EA Tarix İnstitutunun aspiranturasına daxil olmuşdur. 1981–1990-cı illərdə Azərbaycan EA Tarix İnstitutunun Arxeologiya və Etnoqrafiya bölməsində baş laborant, kiçik elmi işçi, elmi işçi, baş elmi işçi olmuşdur. 1985-ci ildə Ukrayna Arxeologiya İnstitutunun elmi şurasında dissertasiya müdafiə edərək tarix elmləri namizədi alimlik dərəcəsi almışdır. 1990–2003-cü illərdə "Azərbaycan" qəzetinin Balakən-Şəki bölgəsi üzrə xüsusi müxbiri vəzifəsində çalışmışdır. Həmin dövrdə eyni zamanda BDU-nun Şəki filialının dosenti kimi pedoqoji fəaliyyətlə məşğul olmuşdur. 2003-cü ildə Azərbaycan Respublikası Prezidentinin sərəncamı ilə 4 il müddətinə Milli Televiziya və Radio Şurasının üzvü təyin edilmişdir.2007-ci ildə Azərbaycan Respublikasının Prezidentinin sərəncamı ilə yenidən 6 il müddətinə Milli Televiziya və Radio Şurasının üzvü təyin edilmişdir. 2008-ci ildə Girdman tarixinə dair doktorluq dissertasiyası müdafiə etmişdir. Dörd monoqrafiya, 100-dən çox elmi məqalə müəllifidir. "Qızıl qələm" mükafatı laureatıdır.

Evlidir. İki övladı var.

Əsərləri

[redaktə | vikimətni redaktə et]
  • Qırlartəpənin qədim abidələri (rus. Античные памятники Гырлартепе). Bakı: Elm, 1985 (həmmüəllif).
  • Arxeologiya və romantika. Bakı: Gənclik, 1990.
  • Can Azərbaycan. Bakı: Azərbaycan Milli Ensiklopediyası NPB, 2003.
  • Girdiman tarixi (IV–IX əsrlər). Bakı: Şərq-Qərb, 2010.
  • Muradxan dəfinəsi. Bakı: Elmin İnkişafı Fondu, 2012 (həmmüəllif).
  • Yazılan qalacaq. Bakı: Elm və təhsil, 2015.
  • Girdiman. Tarixi və tarixi coğrafiyası. Bakı: Elm və təhsil, 2015.
  • Azərbaycan tarixi: ən qədim zamanlardan müasir dövrə qədər (ali məktəblərin qeyri-ixtisas fakültələrinin bakalavriat pilləsi üçün dərslik). Bakı: Elm və təhsil, 2017.
  • Qəbələdə son arxeoloji tədqiqatların nəticələri. Bakı: CBS, 2017.
  • Azərbaycan arxeologiyasının əsasları (dərs vəsaiti). Bakı: Elm və təhsil, 2018.
  • Girdiman. Tarixi və tarixi coğrafiyası (rus. Гирдиман. История и историческая география). Bakı: Elm və təhsil, 2020.[4]
  • Mənim Azərbaycanım, yaxud ömrün yadda qalan anları. Bakı: Elm və təhsil, 2024.
  • Bələdiyyələr və mədəni irs. Bakı: Xan, 2024.

Mənbə

[redaktə | vikimətni redaktə et]

İstinadlar

[redaktə | vikimətni redaktə et]
  1. ↑ 1 2 ""Professor Qafar Cəbiyev – 70"". MİRAS Mədəni İrsin Öyrənilməsinə Kömək İctimai Birliyi. 15-8-2020.
  2. ↑ 1 2 "Cəbiyev Qəfər Cəfər oğlu". Azərbaycan Milli Elmlər Akademiyası.
  3. ↑ "Azərbaycan Respublikası Milli Televiziya və Radio Şurasının üzvlərinə fəxri adların verilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". Azərbaycan Respublikasının Ədliyyə Nazirliyi Hüquqi aktların vahid elektron bazası. 3 oktyabr 2012-ci il.
  4. ↑ "Новое исследования по истории Кавказкой Албании". Atalar (rus). 2020-05-20. İstifadə tarixi: 2025-02-03.
Mənbə — "https://az.wikipedia.org/w/index.php?title=Qafar_Cəbiyev&oldid=8086317"