Rafiq Feyzullayev — Vikipediya

Rafiq Feyzullayev
Azərbaycan Respublikasının xalq təhsili naziri
5 fevral 1991 – 11 avqust 1992
Əvvəlki	vəzifə təsis edilib
Sonrakı	Firudin Cəlilov
Azərbaycan SSR xalq təhsili naziri
25 fevral 1989 – 5 fevral 1991
Əvvəlki	Müslüm Məmmədov
Sonrakı	vəzifənin adı dəyişdirilib
Azərbaycan SSR xalq təhsili nazirinin müavini
sentyabr 1988 – 25 fevral 1989
Nazir	Müslüm Məmmədov
Azərbaycan SSR ali və orta ixtisas təhsili nazirinin birinci muavini
1983 – 1988
Nazir	Qurban Əliyev Ağalar Abbasbəyli
Şəxsi məlumatlar
Doğum tarixi	10 sentyabr 1943(1943-09-10)
Doğum yeri	Bakı, Azərbaycan SSR, SSRİ
Vəfat tarixi	17 iyun 2001(2001-06-17) (57 yaşında)
Vəfat yeri	Bakı, Azərbaycan
Partiya	Sovet İttifaqı Kommunist Partiyası (1968–1991)
Təltifləri

Rafiq Babaş oğlu Feyzullayev (10 sentyabr 1943, Bakı – 17 iyun 2001, Bakı) — Azərbaycan dövlət xadimi, Azərbaycanın xalq təhsili naziri (1989–1992), Azərbaycan Respublikası müdafiə nazirinin müavini (1992-ci ildən).

Feyzullayev Rafiq Babaş oğlu 1943-cü ildə Bakı şəhərində anadan olmuşdur.^[1]

Bakı Dövlət Universitetinin mexanika-riyaziyyat fakültəsini bitirmişdir (1965).

1965–1983‑cü illərdə Azərbaycan SSR Elmlər Akademiyasının Riyaziyyat və Mexanika İnstitutunda kiçik elmi işçi, elmi katib, elmi işlər üzrə direktor müavini vəzifələrində çalışıb.

Xarkov Radiotexnika İnstitutunun aspiranturasında təhsil almışdır (1967–1970).

1971‑ci ildə Saratov Dövlət Universitetində cəbr və topologiya ixtisası üzrə namizədlik, 1985‑ci ildə Belorusiya Elmlər Akademiyasının Riyaziyyat İnstitutunda doktorluq dissertasiyalarını müdafiə edib. 1990‑cı ildə professor və 14 dekabr 1990‑ci ildə "Azərbaycan SSR əməkdar elm xadimi" fəxri adına layiq görülüb.

1976–1983‑cü illərdə SSRİ Ali Attestasiya Komissiyasında Azərbaycanın səlahiyyətli nümayəndəsi olub. 1980–1983‑cü illərdə Azərbaycan SSR Elmlər Akademiyasının Xalq Nəzarəti Komissiyasının sədri kimi fəaliyyət göstərib.

Rafiq Feyzullayev 1988‑ci ildə Azərbaycan KP Bakı Şəhər Komitəsinin üzvü, Bakı Şəhər Sovetinin deputatı seçilib. SSRİ KP‑nın XXVIII qurultayında Mərkəzi Nəzarət Komissiyasının üzvü seçilib.

Azərbaycan SSR ali və orta ixtisas təhsili nazirinin müavini (1983–1988), xalq təhsili nazirinin müavini (1988–1989)^[1] və təhsil naziri (1989–1992)^[2], Respublika müdafiə nazirinin hərbi tədris müəssisələri və xarici ölkələrdə təhsil alanlar üzrə müavini (15 sentyabr 1992-ci ildən^[3]), Elm və Texnika Komitəsinin sədr müavini (1992–1996) vəzifələrində işləmişdir.^[4][5]

1993–2001‑ci illərdə Azərbaycan Milli Elmlər Akademiyası prezidentinin müavini vəzifəsini icra edib.

Dələduzluq və dövlət vəsaitini israfetmə ittihamı ilə 2001-ci ildə 12 il müddətinə azadlıqdan məhrum edib. 2001-ci il iyunun 17-də Şüvəlan qasəbəsində yerləşən 3 saylı təcridxanada vəfat edib.^[6][7][8]

Rafiq Feyzullayev 70‑dən artıq elmi əsərin və tədris vəsaitinin müəllifi idi.

Bu məqalədəki istinadlar müvafiq istinad şablonları ilə göstərilməlidir.