Robert Dauni — Vikipediya
Robert Dauni | |
---|---|
ing. Robert John Downey Jr. | |
![]() | |
Doğum tarixi | 4 aprel 1965[1][2][…] (59 yaş) |
Doğum yeri | |
Vətəndaşlığı | |
Partnyoru |
|
Fəaliyyəti | aktyor, televiziya aktyoru, film prodüseri, müğənni, musiqiçi, ssenarist, müğənni-mahnı yazarı, kinorejissor, səsləndirmə aktyoru[d] |
Fəaliyyət illəri | 1970-ci ildən |
Təhsili |
|
Boyu | 173 sm |
Çəkisi | 78 kq[5] |
Mükafatları | ![]() ![]() ![]() |
IMDb | ID0000375 |
![]() | |
![]() |
![](http://upload.wikimedia.org/wikipedia/commons/thumb/a/a5/Robert_Downey_Jr.jpg/220px-Robert_Downey_Jr.jpg)
Robert Con Dauni (4 aprel 1965[1][2][…], Manhetten, Nyu-York ştatı[4]) — Amerikan aktyor, musiqiçi və prodüser. 2 dəfə "Oskar" nominantı (1993, 2009), Emmi nominantı (2001), 2 dəfə "Qızıl Qlobus" qalibi (2001, 2010) və BAFTA mükafatı qalibi (1993). Hollivudun ən çox qazanan aktyoru və dünyanın ən məşhur film ulduzlarından biridir.[6] Rol aldığı filmlərdən altısı 500 milyonun üzərində qazanc gətirib və bunlardan ikisi kino tarixinin ən kommersiyal uğurlu beş filmi sırasındadır.
İlk dəfə Sıfırdan Az filmində canlandırdığı narkoman gənc obrazı ilə tənqidçilərdən yüksək xal yığan aktyor, 1992-ci ildə əfsanəvi komik Çarli Çaplini canlandırdığı Çaplin filmi ilə Oskar mükafatına namizəd göstərildi. Anadangəlmə Qatillər, Qısa Keçidlər, Üçüncü Riçard, Bir Gecəlik Məhəbbət, Yalnız sən, Ürək və Ruhlar bu dövrdə çəkildiyi digər populyar filmlər sırasında idi. 1996-cı ilin avqustunda içkili vəziyyətdə sürdüyünə, heroindən istifadə etməyinə görə Robert polislər tərəfindən təsadüfən saxlanılmışdır. Dauni 3 il müddətində azadlıqdan məhrum edilmişdir və ümumi kamerada canilərlə qalmağa məcbur qalmışdır. 2000-ci ildə Alli Makbil serialında rol almış, və uğurlu aktyorluğuna görə Qızıl Qlobus mükafatı almışdır. Yalnız narkotiklə olan problemlərinin öhdəsindən gələ bilməyən aktyor serialdan qovulmuş, illər boyu kinodan uzaq qalaraq müalicəsinə davam etmişdir. Narkotikdən təmizləndikdə sonra Dauni-kiçik, böyük bir qayıdış edərək, arxa-arxaya Oxuyan Detektiv, Qotika, Gecəniz Xeyrə Qalsın və Uğurlar, Kiss Kiss Bang Bang, Zodiak, Xəz kimi populyar filmlərdə oynamış, sonralar çox sevilən Dəmir Adam (Iron Man) filmlərində baş rolda ifa etmiş, Şerlok Holms və ona ikinci Oskar namizədliyini gətirən Tropik Fırtına filmlərində rol aldı. Toni Stark (Dəmir Adam) rolunu Qisasçılar filmində də canlandırdı. Robert Dauni səhnələrdən kənar həyatında da olduqca əyləncəli bir insandır. Hətta "İron Man" filmində istifadə edilən kostyumlarına belə, hər birinə ayrı-ayrı ad verib.
Dauni, hazırda ən populyar kino ulduzlarından biridir. TIME onu 2008-ci ildə "Yer üzündəki Ən Təsirli 100 Adam""dan biri seçdi. Enterainment Weekly və Esquire tərəfindən bütün zamanların ən yaxşı aktyorlarından biri kimi göstərilib, British jurnalı da Bütün Zamanların Ən Mühüm 100 Film Ulduzundan biri seçib. 2013-cü ildə Xalqın Seçimi Mükafatlarında Amerikan xalqının ən sevdiyi kino ulduzu seçilən məşhur aktyor, həm də xarici görünüşünə görə böyük diqqət toplayır.Hello, Glamour, Company kimi jurnallar Dauniyə ən cazibədar kişilər sırasında yer verib. Dauni, həm də üç dəfə Empire Ən Yaxşı Aktyor mükafatı namizədi olub. Qotika filminin çekimlərindən tanış olduğu prodüser Syuzan (Levin) Dauni ilə evlidir. 2012-ci ildə bir oğulları və 2014-də bir qızları dünyaya gəldi. Robert Dauninin əvvəlki evliliyindən də bir oğlu daha var. Aktyor, musiqiçi kimi də özünü sınayıb və caz üslubunda The Futurist albomunu 2004-cü ildə satışa çıxardıb.2001-ci ildə çəkildiyi "Ally Mcbeal" serialında Stinglə "Every Breath You Take" adlı mahnını səsləndirib və bu mahnı Stingin albomunda yer alıb.Bundan əlavə "River" və "Chances Are" adlı mahnıları da həmin serialda səsləndirib. Həbsxanada olduğu vaxtlarda bir gün icazə ilə Elton Conun "Man like me" mahnısının klipində rol almışdır.
Filmoqrafiya
[redaktə | mənbəni redaktə et]- Aşpaz (2014)
İstinadlar
[redaktə | mənbəni redaktə et]- ↑ 1 2 Robert Downey Jr. // filmportal.de. 2005.
- ↑ 1 2 Robert Downey // Brockhauz Ensiklopediyası (alm.).
- ↑ 1 2 http://www.stuff.co.nz/entertainment/celebrities/378902/Drugs-ruined-my-relationships-Downey-says.
- ↑ 1 2 http://www.latimes.com/entertainment/la-et-robert-downey-jr-pictures-photogallery.html.
- ↑ https://starsunfolded.com/robert-downey-jr/.
- ↑ "Robert Downey Jr. Tops Forbes' List Of Hollywood's Highest-Paid Actors". Forbes. 2013-07-16. 2016-03-04 tarixində arxivləşdirilib. İstifadə tarixi: 2013-08-01.
Xarici keçidlər
[redaktə | mənbəni redaktə et]- Robert Dauni — IMDb səhifəsi