Yaylıq (xalq mahnısı) — Vikipediya
"Yaylıq" | |
---|---|
Janr | Məhəbbət |
Dil | Azərbaycan dili |
Yaylıq — Azərbaycan Xalq mahnısı. Duet şəklində oxunur. Mahnı məhəbbət mövzusundadır.
Mahnının sözləri
[redaktə | mənbəni redaktə et]"Yaylıq"
QIZ:
- Anamdan bir yaylıq aldım,
- Heç bilmirəm harda saldım.
- Səndədirsə, ver yaylığı,
- Yaylıq salar ayrılığı, gülüm,
- Gözəl oğlan, ver yaylığı.
- Yaylıq salar ayrılığı, yarcan,
- Gözəl oğlan, ver yaylığı.
OĞLAN:
- Yaylığını tanı, ay qız,
- Məndə yaylıq hanı, ay qız?
- Kim deyir yaylıq məndədir?
- Bəlkə qalıb, çəməndədir, ay gözəl,
- Gəl axtar, tap yaylığını.
QIZ:
- Ay kələkbaz oğlan, oğlan,
- İnciyərəm səndən, inan.
- Gəlməsə yaylıq qarşıma,
- Xəbər verrəm qardaşıma,
- yar, yarcan,
- Gözəl oğlan, ver yaylığı.
- Xəbər verrəm qardaşıma, yarcan,
- Gözəl oğlan, ver yaylığı.
OĞLAN:
- Qurban olum göz-qaşına,
- Gedib demə qardaşına.
- Sevgilinəm, gəl incimə,
- Yaylıq məndədir, gözəllər gözəli,
- Al, ay gözəl, al yaylığı.
İstinadlar
[redaktə | mənbəni redaktə et]![](http://upload.wikimedia.org/wikipedia/commons/thumb/4/4c/Wikisource-logo.svg/38px-Wikisource-logo.svg.png)
Vikimənbədə Yaylıq (xalq mahnısı) ilə əlaqəli məlumatlar var.