Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 201.925 məqalə mövcuddur.

Həftənin seçilmiş məqaləsi

Qış sarayı — Sankt-Peterburq, Rusiyada yerləşən və 1732–1917-ci illərdə Rusiya monarxlarının rəsmi iqamətgahı olan məşhur saray kompleksidir. I Pyotrun Qış sarayının yerində 1730–1837-ci illərdə inşa edilmiş və Saray sahili və Saray meydanı arasında yerləşən kompleksin əsas binası yanğından zədələnmiş və bərpa edilmişdir. 1917-ci ildə sarayda baş vermiş üsyan Sovet rəssamlığında, Sergey Eyzenşteynin 1927-ci ildə ekranlaşdırdığı və Rusiya inqilabının simvollarından biri sayılan "Oktyabr" filmində canlandırılmışdır. Saray Rusiya imperiyasının gücünü və qüdrətini nümayiş etdirən monumental memarlıq abidəsi kimi inşa edilmişdir. Bu saraydan Rusiya çarları 1721-ci ildə I Pyotr imperator titulunu qəbul etsə də, tədqiqatçılar Rusiya hökmdarları üçün imperator sözü ilə yanaşı çar sözü və həmin sözlərin qadın formalarını işlədirlər.

(Davamı...)

Həftənin yaxşı məqaləsi

Sovet–Polşa müharibəsi — Rusiyada vətəndaş müharibəsi zamanı 1919–1921-ci illərdə Polşa ilə Sovet Rusiyası, Sovet Belorusiyası, Sovet Ukraynası arasında — dağılmış Rusiya İmperiyası ərazilərində — Rusiya, Belarus, Latviya, Litva, Polşa və Ukraynada gedən müharibə. Müasir Polşa tarixşünaslığında Polşa-Bolşevik müharibəsi də adlanır. Münaqişədə Ukrayna Xalq Respublikasının və Qərbi Ukrayna Xalq Respublikasının qoşunları da iştirak etmişdir. Müharibənin ilk mərhələsində Ukrayna Xalq Respublikasının ordusu Polşaya qarşı döyüşsə də, sonradan UXR hərbi hissələri polyakların tərəfinə keçdi. Rusiyada, o dövrün sənədlərində müharibə Polşa Cəbhəsi də adlanırdı.

(Davamı...)

Həftənin seçilmiş siyahısı

Macarıstan forintinin sikkələri — 1946-cı ildən bu günə qədər buraxılan Macarıstan forintnin sikkələri. Forint sikkələri Macarıstan pul vahidi olan Macarıstan forintinin bir hissəsidir. 1806–1982-ci illər arasında macar dilində "forint" sözü Avstriya-Macarıstan imperiyasının pulu Avstriya quldeninə deyilirdi. Forint rəsmi olaraq İkinci Dünya müharibəsi bitdikdən sonra, 1946-cı ilin avqustunda, İkinci Macarıstan Respublikası hökuməti tərəfindən Macarıstanın pul vahidi olaraq qəbul edildi. Valyuta 20 il ərzində sabitliyini qoruyub saxlaya bilmişdir. Lakin sonradan sosialist iqtisadi sistemin zəifləməsi inflyasiyaya gətirib çıxardı, bu, forintin alıcılıq qabiliyyətinə təsir edərək 1990-cı illərdə böhrana səbəb oldu.

(Davamı...)

Günün seçilmiş şəkli

Xəbərlər

Nizari İsmailiyyə məzhəbinin 49-cu imamı IV Ağa Xan (şəkildə) 88 yaşında vəfat edib.
Əhməd əş-Şaraa Suriya keçid hökumətinin prezidenti seçilib.
ABŞ Hava Yollarının 5342 saylı reysinin Potomak çayı üzərində helikopterlə toqquşması nəticəsində hər iki uçuş vasitəsindəki ümumilikdə 67 nəfər həlak olub.
Türkiyənin Bolu ilinin Qartalqaya dağ-xizək mərkəzindəki hoteldə baş verən yanğın nəticəsində ən azı 78 nəfər ölüb, 51 nəfər yaralanıb.

Aktual hadisələr: Rusiya–Ukrayna müharibəsi • Sudanda vətəndaş müharibəsi

Son ölümlər: Sem Nuyoma, Virciniya Halas Makkaski, Rüfət Mir-Qasımov, Nəzakət Məmmədli, Qüdrət İsaqov, Horst Köler

Bilirsinizmi?

Yaponiyada yerləşən və taksidermiyaya həsr olunmuş Şiqa Safari Muzeyində (şəkildə) sərgilənən bütün heyvanlar tək bir ovçu tərəfindən ovlanıb.
Hər il baş tutan Vilya de Leqanes Kubokunun qaliblərinə "Qızıl xiyar" mükafatı, ikinci yeri tutanlara isə "Gümüş xiyar" mükafatı təqdim olunur.
Azərbaycanın ilk baş naziri Fətəli xan Xoyskinin qızı Tamara xanım Xoyskaya Azərbaycan Kommunist Partiyası Mərkəzi Komitəsinin Rəyasət Heyətinin sədri Mirzə Davud Hüseynovla evlənmiş və Azərbaycan SSR-in ilk birinci xanımı olmuşdur.
Dreyf edən buzlaqlara həsr olunmuş Oxot Ryu-hyo Muzeyinin kafesində Oxot dənizinin duzu ilə dadlandırılmış xüsusi dondurma çeşidi servis olunur.
Jan-Jak Russonun atasının əmisioğlu Səfəvi hökmdarı Şah Sultan Hüseynin saatsazı olmuşdur.

Tarixdə bu gün

13 fevral: Fransanın ilk atom bombasının sınağı; Qvatemalada Rio Neqro qırğını.

1668 — İspaniya Portuqaliyanı müstəqil dövlət kimi tanıdı.

1739 — Nadir şah Əfşar Karnal döyüşündə moğol hökmdarı Məhəmməd şahı məğlub etdi.

1880 — Tomas Edison sonradan "Edison effekti" adını alan termoelektron emissiyası hadisəsini müşahidə etdi.

1960 — Fransa Əlcəzairin cənubundakı Tanezruft səhrasında özünün ilk atom bombasını sınaqdan keçirdi.

1971 — ABŞ ordusunun hava və artilleriya dəstəyi verdiyi Cənubi Vyetnam ordusu Laosu işğal etdi.

1984 — Yuri Andropovun vəfatından sonra Konstantin Çernenko Sov.İKP MK-nın baş katibi seçildi.

1988 — Stepanakertdə DQMV-nin Ermənistan SSR-ə birləşdirilməsi tələbi ilə ilk mitinq keçirildi.

2001 — Salvadorda 400-dən artıq insanın ölümü ilə nəticələnən Rixter şkalası üzrə 6,6 bal gücündə zəlzələ baş verdi.

Digər günlər: 12 fevral – 13 fevral – 14 fevral

Arxiv – e-məktub ilə – İlin digər günləri – Haqqında

Hazırda 13 fevral 2025 (UTC) – Səhifəni yenilə

Kömək səhifələri

Vikipediya

Vikipediya, azad ensiklopediya

Vikipediyaya xoş gəlmisiniz!

Vikimedia Fondunun digər layihələri