Əli Məsimli — Vikipediya

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Əli Məsimli
Azərbaycan Respublikasının Milli Məclisi III, IV, V və VI çağırış deputatı
Vəzifədədir
2005-ci ildən
Seçki dairəsi	2005 — 113 saylı Şəki şəhər 2010, 2015, 2020 — 114 saylı Şəki qəsəbə I
Əvvəlki	vəzifə təsis edildi(113 saylı) vəzifə təsis edildi (114 saylı)
Sonrakı	vəzifə ləğv edildi(113 saylı)
Azərbaycan Respublikasının Baş nazirinin səlahiyyətlərini icra edən
5 fevral 1993 – 28 aprel 1993
Əvvəlki	Rəhim Hüseynov
Sonrakı	Pənah Hüseynov
Azərbaycan Respublikasının Baş nazirinin birinci müavini — Azərbaycan Respublikası Dövlət İqtisadiyyat və Planlama Komitəsinin sədri[a]
19 noyabr 1992[2] – 2 sentyabr 1993[3]
Baş nazir	Rəhim Hüseynov
Əvvəlki	Ziyad Səmədzadə
Sonrakı	Abbas Abbasov
Azərbaycan Respublikasının iqtisadiyyat naziri[a]
18 may 1993 – 1 sentyabr 1993[4]
Əvvəlki	Vəzifə təsis edildi.
Sonrakı	Səməd Sadıqov
Azərbaycan Respublikası Xarici İnvestisiyalar Komitəsinin sədri
11 avqust 1992[5] – 19 noyabr 1992[6]
Əvvəlki	Vəzifə təsis edildi.
Sonrakı	Vəzifə ləğv edildi.
Şəxsi məlumatlar
Doğum adı	Əli Əhməd oğlu Məsimli
Doğum tarixi	3 yanvar 1953(1953-01-03) (71 yaş)
Doğum yeri	Nuxa, Nuxa rayonu, Azərbaycan SSR, SSRİ
Partiya	Azərbaycan Xalq Cəbhəsi Partiyası (1989–1995), Azərbaycan Xalq Cəbhəsi (1995–2004), bitərəf (2004–)
Təhsili	Azərbaycan Dövlət İqtisad Universiteti
Fəaliyyəti	siyasətçi, iqtisadçı
Təltifləri

Əli Məsimli (3 yanvar 1953, Nuxa) — Azərbaycan Respublikasının Milli Məclisi III, IV, V və VI çağırış deputatı, Azərbaycan Respublikasının Baş nazirinin səlahiyyətlərini icra etmiş, Azərbaycan Respublikasının Baş nazirinin sabiq birinci müavini, Azərbaycan Respublikasının sabiq iqtisadiyyat naziri, Azərbaycan Respublikası Dövlət İqtisadiyyat və Planlama Komitəsinin sabiq sədri, Azərbaycan Respublikası Xarici İnvestisiyalar Komitəsinin sabiq sədri, İqtisadiyyat elmləri namizədi.

Əli Əhməd oğlu Məsimov 1953-cü il yanvarın 3-də Şəki şəhərində anadan olmuşdur. Azərbaycan Xalq Təsərrüfatı İnstitutunun siyasi iqtisad fakültəsini bitirmişdir. İqtisad elmləri namizədidir. Çoxsaylı broşürlərin və məqalələrin müəllifidir. Rus dilini bilir.

1980-ci ildən Azərbaycan EA-nın İqtisadiyyat İnstitutunda laborant, kiçik elmi işçi, elmi işçi, şöbə müdiri işləmişdir. 1991-ci ildən Azərbaycan Respublikası Prezidenti Aparatının İqtisadiyyatın idarə edilməsinin təşkili şöbəsinin bölmə müdiri, Sosial-iqtisadi inkişaf şöbəsinin baş məsləhətçisi, 1992-ci ildən Azərbaycan Respublikası Xarici İnvestisiyalar Komitəsinin sədri, Azərbaycan Respublikası Baş nazirinin birinci müavini, Dövlət İqtisadiyyat və Planlaşdırma Komitəsinin sədri, Baş nazir əvəzi, iqtisadiyyat naziri, 1993–2005-ci illərdə "Müstəqil İqtisadçılar Birliyi" ictimai təşkilatının prezidenti vəzifələrində çalışmışdır.

2005-ci il parlament seçkiləri ərəfəsində, 13 iyul 2005-ci ildə Azərbaycan Milli İstiqlal Partiyası, Azərbaycan Sosial Demokrat Partiyası, Azərbaycan Liberal Partiyası və bir qrup müstəqil siyasətçi Yeni Siyasət Seçki Blokunu (qısaca YeS) təsis etmiş və vahid namizədlərlə seçkiyə qatılmışdır.^[7] YeS-in vahid siyahısından 2 müstəqil namizəd — 52 saylı Quba seçki dairəsi üzrə baş nazirin sabiq müavini Vahid Əhmədov və 114 saylı Şəki kənd birinci seçki dairəsi üzrə Əli Məsimli deputat seçilmişdir.

2005-ci ildən sonra partiya təsis etmək üçün Azad İqtisadçılar Birliyi Təşkilat Komitəsini yaratmış və bu quruma sədrlik etmişdir.^[8][9] Bu qurum partiyalaşa bilməmişdir.^[10]

Əli Məsimli Azərbaycan Xalq Cəbhəsi və ardınca Azərbaycan Xalq Cəbhəsi Partiyası üzvü olmuşdur. 2000-ci ildəki bölünmə zamanı klassiklər qanadında təmsil olunmağa başlamışdır.^[11]

2005-ci il noyabrın 6-da 113 saylı Şəki şəhər seçki dairəsindən deputat seçilmişdir. Azərbaycan-Çin, Azərbaycan-Xorvatiya, Azərbaycan-İsveçrə, Azərbaycan-Ukrayna parlamentlərarası əlaqələr üzrə işçi qruplarının üzvüdür.

2 yanvar 2023-cü ildə Azərbaycan Respublikasının ictimai-siyasi həyatında uzunmüddətli səmərəli fəaliyyətinə görə "Şöhrət" ordeni ilə təltif edilib.

2024-cü il oktyabrın 8-də Azərbaycan - Monteneqro parlamentlərarası əlaqələr üzrə işçi qrupunun rəhbəri seçilib.^[12]

Evlidir, 2 övladı var.

• "Müstəqil Azərbaycanın üçüncü Baş naziri - Əli Əhməd oğlu Məsimli + DOSYE" (az.). enter.news. 2017-05-21. 2017-08-04 tarixində arxivləşdirilib. İstifadə tarixi: 2017-08-04.