ARB Ulduz — Vikipediya
ARB Ulduz | |
---|---|
![]() | |
Ölkə | ![]() |
Dil | Azərbaycan dili |
Baş qərargah | Gəncə, Azərbaycan |
Yaranma tarixi | 15 mart 2001 18 mart 2015 (peyk yayımı) |
Bağlanma tarixi | 11 fevral 2019 (peyk yayımı) 3 mart 2019 |
Keçmiş adları | Alternativ TV (15 mart 2001–19 sentyabr 2016) |
Şüar | 1№-li Musiqi Kanalı |
Qardaş kanallar | ARB Kəpəz TV ARB Şimal ARB Cənub ARB Şəki El TV ARB 24 Kəpəz FM ARB Günəş |
Sayt | www.ulduz.arbtv.az |
ARB Ulduz — 2001-ci ildə "Alternativ TV" adıyla Gəncə şəhərində yayıma başlayan televiziya kanalı idi.
Tarixçə
[redaktə | mənbəni redaktə et]"Alternativ-Tele-Radio" MMC 5 yanvar 2001-ci il tarixdə Gəncədə təsis edilmişdir. Alternativ TV 15 mart 2001-ci il tarixdən ilk dəfə efirə çıxmışdır. 18 aprel 2001-ci il tarixdən 6 saatlıq efir rejiminə keçmişdir. 1 iyul 2002-ci il tarixdən etibarən efir vaxtı 14 saatadək artırılmışdır. Məqsəd Gəncə şəhəri və ətraf rayonların tamaşaçılarına cizgi, bədii və sənədli filmlər, musiqi və yerli xəbərləri əks etdirən "Xəbər+" informasiya proqramı və digər verilişləri nümayiş etdirməkdir. "Alternativ-Tele-Radio" MMC-nin təsisçisi Tarquliyev Hikmət Cəfər oğludur. Ümumi efir vaxtının 39 faizini ölkədə istehsal olunan proqramlar, 46 faizini xaricdə istehsal olunan proqramlar, 15 faizini şəxsi istehsal proqramları təşkil edirdi. Daha sonra isə formatı dəyişdirilmiş və efir 24 saatlıq efir rejiminə keçmişdir. 2013-cü ildə formatı dəyişdirildikdən sonra Azərbaycanın ilk musiqi telekanalı olmuşdur. 2014-cü ilin mart ayından may ayına kimi ARB-nin test yayımı vasitəsilə Azerspace-1 peykində, KATV1, Ailə TV, ATV Plus kabel televiziyalarında yayımlanırdı. 2015-ci ilin mart ayında loqosunu dəyişdirmiş və 16:9 formatlı yayıma keçmişdir. 18 mart 2015-ci ildən 11 fevral 2019-cu ilədək isə Azerspace-1 peyki vasitəsilə yayımlanmışdır.
19 sentyabr 2016-cı il tarixində "Alternativ TV" olan telekanalın adı dəyişdirilərək "ARB Ulduz" olmuşdur.[1]
11 fevral 2019-cu ildə "ARB Media Qrup"a daxil olan tematik musiqi kanalı "ARB Ulduz"un "reklam gəlirlərinin kifayət qədər olmaması" əsas gətirilərək peyk vasitəsi ilə yayımı dayandırılıb.[2]
2019-cu il martın 3-də "ARB Ulduz"un yayımı rəsmi olaraq dayandırılmışdır.
Milli Televiziya və Radio Şurasının 24 may 2021-ci il tarixli iclasında "ARB Ulduz" telekanalının regional televiziya yayımının 1 il ərzində 60 gün əsassız həyata keçirilmədiyini nəzərə alaraq televiziya yayımçısını lisenziyasına xitam verilməsi barədə müvafiq qərarlar qəbul edilib.
- Alternativ TV Region TV-nin test yayımında olarkən çəkilmiş ekran görüntüsü
- Alternativ TV adıyla yayımlandığı müddətdə istifadə etdiyi loqo
İstinadlar
[redaktə | mənbəni redaktə et]![]() | Bu məqalədəki istinadlar müvafiq istinad şablonları ilə göstərilməlidir. |
- ↑ "Azərbaycanda məşhur TV adı dəyişdi - Günün Səsi". 2021-10-18 tarixində arxivləşdirilib. İstifadə tarixi: 2020-10-23.
- ↑ "Azərbaycanda telekanal yayımını dayandırdı - "Maliyyə çətinliyinə görə"". 2020-01-30 tarixində arxivləşdirilib. İstifadə tarixi: 2020-10-23.