Bulvar (otel) — Vikipediya
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Bu məqalə və ya bölmə reklam xarakteri daşıyır. |
Bulvar otel | |
---|---|
Baku Marriott Hotel Boulevard | |
![]() | |
![]() | |
40°22′32″ şm. e. 49°53′01″ ş. u. | |
Ölkə | ![]() |
Şəhər | Bakı |
Yerləşir | Ağ Şəhər |
Tikilmə tarixi | 2015 |
Aidiyyatı | "Absheron Hotel Group" |
Memarlıq quruluşu | Modern |
Vəziyyəti | Fəaliyyət göstərir |
| |
![]() |
"Baku Marriott Hotel Boulevard" — Azərbaycan Respublikasının paytaxtı Bakı şəhərində yerləşən beşulduzlu otel. Azərbaycanın ən böyük otelidir.[1]
Ərazisi
[redaktə | mənbəni redaktə et]Otel Bakı buxtasında, Ağ Şəhərdə yerləşir.[1]
Fəaliyyəti
[redaktə | mənbəni redaktə et]Bu otel "Absheron Hotel Group"a daxil olan dördüncü oteldir. Otel həm də "Marriott" brendinin xüsusi portfeli sayılan məxsusi otel və kurortların cəmləndiyi "Autograph Collection"un rəsmi üzvüdür.[1]
İnşası
[redaktə | mənbəni redaktə et]Otel müasir üslubda inşa olunmuşdur. Burada kafe, mağaza, biznes mərkəzi, kitabxana da var.[1]
"Bulvar Hotel"də müxtəlif beynəlxalq, regional və yerli əhəmiyyətli tədbirlər keçirmək üçün şərait yaradılıb. Kompleksdə 5 iclas otağı var. Bu otaqlarda müxtəlif görüşlər, təlimlər, təqdimatlar təşkil etmək mümkündür.[1]
Otelin ziyafət zalında 1000-dən çox qonağın iştirakı ilə müxtəlif formatlı tədbirləri təşkil etmək mümkündür. Ziyafət zalının sahəsi 1300 m²-dir və avadanlıqla təchiz edilmişdir.[1]
Otelin sağlamlıq mərkəzi fitnes və SPA xidmətləri təklif edir. Burada 25 metrlik qapalı üzgüçülük hovuzu və müasir avadanlıqla təchiz olunmuş idman zalı fəaliyyət göstərir.[1]
Oteldə 818 nömrə var. Otelin pəncərələrindən Xəzər dənizinə və Bakı bulvarına açılan mənzərəni seyr etmək mümkündür. Otaqların interyeri məşhur memarlıq şirkətləri tərəfindən dizayn edilib.[1]
Oteldə 3 restoran var:[1]
- "The White City Lounge";
- "The Green House Kitchen";
- "Black City Cafe".
Fasiləsiz xidmət göstərən restoranların hər birinin ayrı-ayrılıqda açıq havada da xüsusi sahələri var. Restoranların nadir bədii konsepti tanınmış dizayn şirkəti tərəfindən yaradılıb. İnteryeri otelin tarixini, müasir dizaynla uyğunlaşdırılmış irsini və kosmopolit dinamikliyini özündə cəmləşdirir.[1]
Açılışı
[redaktə | mənbəni redaktə et]Azərbaycan Respublikasının Prezidenti İlham Əliyev və xanımı Mehriban Əliyeva 15 may 2015-ci ildə otelin açılışında iştirak etmişlər.[1]
İstinadlar
[redaktə | mənbəni redaktə et]- ↑ 1 2 3 4 5 6 7 8 9 10 11 İlham Əliyev Bakıda “Bulvar Hotel”in açılışında iştirak edib Arxivləşdirilib 2021-04-11 at the Wayback Machine. president.az, 15.05.2015 (az.)
Xarici keçidlər
[redaktə | mənbəni redaktə et]- boulevardhotelbaku.com — Bulvar rəsmi saytı