Mark Ruffalo — Vikipediya
Mark Ruffalo (ing. Mark Alan Ruffalo, 22 noyabr 1967, Kenoşa, Viskonsin, ABŞ) - Amerikalı aktyor. "Emmi" (2014) və "SGA Awards" (2015) mükafatlarının laureatı. "Oskar" (2011, 2015, 2016), BAFTA (2011, 2015, 2016) və "Qızıl qlobus" (2015 (2 dəfə), 2016) mükafatlarının nominantı. Əsas məşhurluğunu Zodiak (2007), Qisasçılar (2012), Yalan illüziyası (2013), Qisasçılar: Altron dövrü (2015), Tor: Raqnarök (2017) filmləri ilə qazanmışdır.
Mark Ruffalo | |
---|---|
Mark Ruffalo | |
![]() Mark Ruffalo "San Dieqo Comic-Con"da (2017) | |
Doğum adı | Mark Alan Ruffalo |
Doğum tarixi | |
Doğum yeri | Kenoşa, Viskonsin, ABŞ |
Vətəndaşlığı | |
Həyat yoldaşı | Sanrayz Koini |
Fəaliyyəti | Aktyor |
Fəaliyyət illəri | 1989 - |
Boyu | 173 sm |
IMDb | ID0749263 |
![]() | |
![]() |
Həyatı və karyerası
[redaktə | mənbəni redaktə et]Mark Ruffalo 1967-ci ildə Viskonsin ştatının Kenoşa şəhərində olub. Atası italyan olan aktyorun anası isə həm İtaliya, həm də Kanada kökənlidir[1]. Ruffalo erkən yaşından aktyorluq sənətini seçir və teatrda çıxış etməyə başlayır. Ruffalo karyerasının əsas rollarını bu əsrin başlağıncından etibarən oynamağa başlayır. 2000-ci ildə Kennet Lonerqanın "Mənə arxalana bilərsən" dram filmində oyunu uğurlu alınır və film bir çox mükafatlar qazanır. Bu film aktyorun filmoqrafiyasında təkanverici rol oynayır. Daha sonrakı illərdə o "XX/XY" (2002) , "Mənsiz həyatım" (2003), "Kəsikdə"(2004), "Biz artıq burda yaşamırıq" (2004), "30dan 13-ü" (2004) və "Səma və yer arasında" (2005) kimi filmlərdə oynayır.
2007-ci ildə 60-cı illərin sonunda Kaliforniya ştatında tüğyan edən seriya qatillə bağlı ərsəyə gətirilmiş "Zodiak" filmində oynadığı Devid Toski rolu Ruffalonun karyerasında yeni səhifə açır.
2010-ci ildə aktyor "Uşaqlar yaxşıdır" filmində yer alır. Bu film ona ilk "Oskar" nominasiyasını gətirir (ən yaxşı ikinci plan kişi rolu).
Ruffalonun 2010-cu ildəki digər bir filmi Martin Skorsezenin "Zidan adası" filmi olur. Bu filmdə o Leonardo Di Kaprio, Ben Kinqsli ilə birlikdə əsas rollardan birini oynayır.
2011-ci ildən aktyor Marvel Kinematoqrafiya Kainatı filmlər seriyasında əsas komiks qəhrəmanlarından "Halk"ı (Brüs Benneri) oynamağa başlayır[2]. İlk belə film "Qisasçılar" (2012) filmi oldu. Ruffalo "yaşıl bədheybət" rolu ilə "Dəmir adam 3" (kameo) (2013), "Qisasçılar: Altron dövrü" (2015), "Tor: Raqnarök" (2017), "Qisasçılar: Sonsuzluq müharibəsi" (2018) filmlərində qayıtdı. 2019-cu ildə "Qisasçılar" tetralogiyasından "Qisasçılar: Final" filmi işıq üzü görəcək.[3]
2015-ci ildə "Tülkü ovçusu", 2016-cı ildə isə "Diqqət mərkəzində" filmlərində oynadığı rollara görə "Oskar"a namizəd olsa da Ruffalo hər iki halda əsas film mükafatını qazana bilmədi.
Şəxsi həyatı
[redaktə | mənbəni redaktə et]Sanrayz Koini ilə evli olan Mark Ruffalonun 2 qız və 1 oğlan övladı var.[4]
2001-ci ildə Aktyorun beynində şiş aşkarlanır. Şiş xoşxassəli olur və əməliyyatla götürülür. Ancaq xəstəliyin təsirindən onun üzün ifliclik yaranır. İfliclik müəyyən müddətdən sonra keçsədə sol qulaqdan kar olmuşdur.
2008-ci ildə Ruffalonun qardaşı Skott evində güllələnir və 1 həftə sonra həyatını itirir.
Ruffalo həmçinin siyasi fəaldır. Aktyor Cor Buşun dövründə İraqda gedən hərbi əməliyyatlara qarşı çıxıb. Bundan başqa o ABŞ-nin indiki prezidenti Donald Trampın əleyhdarıdır.
Filmoqrafiyası
[redaktə | mənbəni redaktə et]il | Filmin adı | Orjinal adı | Rol |
---|---|---|---|
1993 | Sənin üçün mahnı | A song for you | Qas Devison |
1994 | Ayna,Ayna 2: Qarğanın rəqsi | Mirror, Mirror 2: Raven Dance | Kristian |
1994 | Orda mənim gözəlçəm gedir | There Goes My Baby | Cey Di |
1995 | Göylərin hədiyyəsi | A Gift from Heaven | |
1996 | Marti Faynın talei | The Destiny of Marty Fine | Brett |
1996 | Stamatoloq | The Dentist | Stiv Landers |
1996 | Qan pulu | Blodd Money | Ettorni |
1996 | Ayna,Ayna 3: Müşahidəçi | Mirror, Mirror 3: The Voyeur | Coui |
1997 | Miladın II günü | On the 2nd Day of Christmas | Bert |
1998 | Təhlükəsiz adam | Safe Man | Frenk |
1998 | 54 | 54 | Rikko |
1998 | Hudini | Houdini | Teo |
1999 | Vannada balıq | A Fish in the Bathtub | Coel |
1999 | Şeytanla getmək | Ride with the Devil | Alf Bouden |
2000 | Sadiq | Committed | Ti-Bou |
2000 | Mənə arxalana bilərsən | You Can Count on Me | Terri Preskot |
2001 | Həyat/Rəsm | Life/Drawing | Aleks |
2001 | Sonuncu Qəsr | The Last Castle | İets |
2002 | XX/XY | XX/XY | Koulz |
2002 | Küləklə danışanlar | Windtalkers | Pappers |
2003 | Mənsiz həyatım | My Life Without Me | Li |
2003 | Görünüş yuxarıdan yaxşıdır | View from the Top | Ted Stüart |
2003 | Kəsikdə | İn the Cut | Covanni Maelloy |
2004 | Biz artıq burda yaşamırıq | We Don’t Live Here Anymore | Cek Linden |
2004 | Təmiz zəkanın sonsuz parıltısı | Eternal Sunshine of the Spotless Mind | Sten |
2004 | 30dan 13ü | 13 Going on 30 | Mett Flemxaff |
2004 | Həmiştirakçı | Collateral | Detektiv Fenninq |
2005 | Səma və yer arasında | Just Like Heaven | Devid Ebbot |
2005 | Şaiələr gəzir | Rumor Has It… | Ceff Deyli |
2006 | Bütün kralların adamları | All the King’s Men | Adam Stenton |
2007 | Zodiak | Zodiac | Devid Toski |
2007 | Bron edilmiş yollar | Reservation Road | Dvayt Arno |
2008 | Korluq | Blindness | həkim |
2008 | Blum qardaşları | The Brothers Bloom | Stiven |
2008 | Nə səni öldürmür | What Doesnt Kill You | Brayan Reyli |
2009 | Bədheybətlər yaşayan yer | Where the Wild Things Are | Maksın anasının dostu |
2010 | Uşaqlar yaxşıdır | Kids Are All Right | Pol |
2010 | Zindan adası | Shutter İsland | Çak Oul/həkim Lester Şin |
2010 | Görüş gecəsi | Date Night | Bred Sallivan |
2011 | Marqaret | Margaret | Ceyson Berstoun |
2012 | Qisasçılar | The Avengers | Brüs Benner/Halk |
2013 | Dəmir adam 3 | İron Man 3 | Brüs Benner/Halk |
2013 | Yalan illüziyası | Now You See Me | Dilan Rods |
2013 | Yenidən başlayaq | Begin again | Den Malliqan |
2014 | Sonsuz Aģ ayı | Infinitely Polar Bear | Kemeron Stüart |
2014 | Tülkü ovuçusu | Infinitely Polar Bear | Deyv Şulç |
2014 | Normal ürək | The Normal Heart | Ned Uiks |
2015 | Qisasçılar: Altron dövrü | The Avengers: Age of Ultron | Brüs Benner/Halk |
2015 | Diqqət mərkəzində | Spotlight | Maykl Rezendes |
2016 | Yalan illüziyası 2 | Now You See Me 2 | Dilan Rods |
2017 | Tor: Raqnarök | Thor: Ragnarök | Brüs Benner/Halk |
2018 | Qisasçılar: Sonsuzluq müharibəsi | Avengers: Infinity War | Brüs Benner/Halk |
2019 | Qisasçılar :Final | Avengers: Endgame | Brüs Benner/Halk |
2019 | Qara sular | Dark Waters | Robert Bilott |
İstinadlar
[redaktə | mənbəni redaktə et]- ↑ "Spotlight - Mark Ruffalo". 2020-01-03 tarixində arxivləşdirilib. İstifadə tarixi: 2020-01-03.
- ↑ "Mark Ruffalo Confirmed As New 'Incredible Hulk'". 2020-09-20 tarixində arxivləşdirilib. İstifadə tarixi: 2020-01-03.
- ↑ "Mark Ruffalo - İMDb". 2022-09-27 tarixində arxivləşdirilib. İstifadə tarixi: 2020-01-03.
- ↑ "Ruffalo's Good Life Formula: 3 Kids, 1 Rabbit, 47 Acres, 2,764 Miles From Hollywood, Josh Eells, 2013". 2020-01-03 tarixində arxivləşdirilib. İstifadə tarixi: 2020-01-03.