Ofeliya Aslan — Vikipediya

Ofeliya Aslan
Ofeliya Rza qızı Əfqanlı (Aslan)
Doğum tarixi	27 yanvar 1939
Doğum yeri	Bakı, Azərbaycan SSR, SSRİ
Vəfat tarixi	18 may 2010 (71 yaşında)
Vəfat yeri	Bakı, Azərbaycan
Vəfat səbəbi	ürək tutması
Milliyyəti	azərbaycanlı
Vətəndaşlığı	SSRİ→ Azərbaycan
Həyat yoldaşı	Səyavuş Aslan
Uşaqları	Eldar Aslan Çingiz Aslan
Atası	Rza Əfqanlı
Anası	Bədurə Əfqanlı
Fəaliyyəti	Aktrisa
Fəaliyyət illəri	1956-2010
Təhsili	Azərbaycan Dövlət Mədəniyyət və İncəsənət Universiteti
IMDb	ID3212948

Ofeliya Aslan (Əfqanlı Ofeliya Rza qızı; 27 yanvar 1939, Bakı – 18 may 2010, Bakı) — Azərbaycan aktrisası.

Ofeliya Rza qızı Aslan 1939-cu ildə Bakıda doğulub. Məşhur aktyor Səyavuş Aslanla evlənəndən sonra əvvəlcə Aslanova, sonra isə Aslan soyadları ilə çıxış edirdi.

Ofeliya Aslan kiçik yaşlarından qəlbində səhnəyə məhəbbət bəsləyən Ofeliya Abbasqulu Ağa Bakıxanov adına Quba Dövlət Dram Teatrında (1956–1958),Azərbaycan Dövlət Gənc Tamaşaçılar Teatrında (1958–1961) işləyib. 1963-cü ildə Azərbaycan Dövlət Musiqili Komediya Teatrının xorunda oxuyub. 1965–1968-ci illərdə isə Abdulla Şaiq adına Azərbaycan Dövlət Kukla Teatrında aktyor kimi fəaliyyət göstərib. 1968-ci ildən ömrünün sonuna qədər Azərbaycan Dövlət Musiqili Komediya Teatrında aktrisa olub (qısa fasilələrlə).

Aktirsa Azərbaycan Dövlət İncəsənət İnstitutunun (indiki Azərbaycan Dövlət Mədəniyyət və İncəsənət Universiteti) Musiqili komediya aktyorluğu fakültəsində qiyabi təhsil alıb (1977–1983). Son illər Ofeliya Aslan Əfqanlı kimi çıxış ediridi.

O, Ofeliya Aslan keçmiş SSRİ-nin müxtəlif şəhərlərində qastrol səfərlərində olub. Moskvanın Operetta teatrında tamaşaya qoyulmuş R. Hacıyevin "Mama, ya jenyus" əsərində Bibixanım rolunda çıxış edib.

Ofeliya Aslan Azərbaycan televizyasının bir sıra teletamaşalarında yaddaqalan rollar oynayıb.Mozalan Satirik Kinojurnalının bir neçə nömrəsində çəkilib. Aktrisa 54 il teatrda çalışsada heç bir fəxri ad verilməyib.

Azərbaycan Respublikası Prezidentinin fərdi təqaüdünə^[1]layiq görülmüşdür.

18 may 2010-cu ildə 2-illik xəstəlikdən sonra 71 yaşında ürək tutmasından dünyasını dəyişib. Yasamal qəbiristanlığında dəfn olunub.

• Aktyor Səyavuş Aslanın keçmiş həyat yoldaşıdır.
• Aktyor Rza Əfqanlının qızıdı

Musiqili Komediya Teatrı

1. Ev bizim, sirr bizim (N. Gəncəli) — Aytən
2. Durna (S. Rüstəm) — Lalə
3. Seyindik qız axtarır (Ş. Qurbanov) — Sevər
4. Olmadı belə oldu belə (Ş. Qurbanov) — Matan
5. Həyətim mənim həyatım mənim (Cahangir Məmmədov və Əşrəf Abbasov) — Cenni
6. Həmişəxanım (S. Qədirzadə) — Diləzbər
7. O olmasın bu olsun (Ü. Hacıbəyli) — Yengə
8. Arşın mal alan (Ü. Hacıbəyli) — Telli
9. Məmmədəli kurorta gedir (A. Zeynallı) — Şəfa
10. Gözün aydın (M. Əlizadə) — Mehparə; Gövhər
11. Beş manatlıq gəlin (M. S. Ordubadi) — Gülnaz
12. Toy kimindir? (Məhərrəm Əlizadə və Ağası Məşədibəyov) — Ceyran
13. Dağlar qoynunda (Ədil İsgəndərov və Əşrəf Abbasov) — Alagöz
14. Nənəmin şahlıq quşu (Ə. Kürçaylı) — Nazlı
15. Hicran (S. Rəhman) — Çarlston
16. Təzə gəlin (Seyfəddin Dağlı və Cahangir Məmmədov) — Çətirgül
17. Qaçırılmış qız (C. Məmmədov) — Rəxşəndə
18. Şəngülüm, Şüngülüm, Məngülüm (R. Heydər) — tülkü
19. Məzəli əhvalat (R. Qasımova) — arvad
20. Danabaş kəndinin əhvalatları (C. Məmmədquluzadən) — Şərəf
21. Siravi Seyfullanın xidməti əziyyətləri (S. Qənizadənin "Xor-xor" məzhəkəsi əsasında libretto) — Məryəm
22. Bankir adaxlı (T. Vəliyeva) — Səmayə
23. Volqalı canan (Ramiz Mustafayev, Abdulla Qüdrət) — Əntiqə

1. Aktrisanın təbəssümü (film, 1974)
2. Xoşbəxtlik qayğıları (film, 1976)
3. Adı sənin, dadı mənim (film, 1980) (tammetrajlı televiziya tamaşası) (Aztv)
4. Yol əhvalatı (film, 1980)
5. Evləri köndələn yar (film, 1982)
6. Sevdagül və Şarlotta (film, 1986)
7. Ayrılıq imiş (film, 2008)

• Ofeyliya Əfqanlının bioqrafiyası – www.adam.az Arxivləşdirilib 2016-03-05 at the Wayback Machine
• İlham Rəhimli- AZƏRBAYCAN DÖVLƏT MUSİQİLİ TEATR kitabı(səhifə 460–461)

1. ↑ "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı". 2022-09-27 tarixində arxivləşdirilib. İstifadə tarixi: 2022-09-27.