Sanama (oyun) — Vikipediya

Sanama - Azərbaycanda uşaqlar və gənclər arasında yazqabağı günlərdə, şənlik və bayramlarda dəstələrə bölünmədən oynanılan oyunlarda "başçı" ("aparıcı" və ya "işçi") seçmək üçün sadalanan şeir.

Ümumi məlumat

[redaktə | mənbəni redaktə et]

Dəstələrə bölünməklə oynanılan bütün oyunlar Halay qurmaqla başlanır. Lakin bir çox oyunlarımız dəstələrə bölünmədən oynanılır. Ənzəli, Eşşək beli sındırdı, Yeddi ağac buna misal ola bilər. Bu oyunları başlayarkən, "başçı", "aparıcı" və ya "işçi" seçmək üçün sanamadan istifadə edirlər.

Oyunun qaydaları

[redaktə | mənbəni redaktə et]

Püşk yolu ilə yaxud oyunçuların ümumi razılığı ilə (oyunda və ya uşaqlar arasında müəyyən keyfiyyətləri ilə fərqlənən) bir nəfər seçilir. O bütün oyunçuları sıraya düzür. Sanama yolu ilə oyunçuları bir-bir sıradan azad edir. Axıra qalan oyunçu "başçı" ("aparıcı" və ya "işçi") seçilmiş olur. Sanamanı aparmaq üçün müxtəlif sanamalardan istifadə edirlər. "İynə-iynə", "Motal-motal", "Əmim oğlu" və s. bu kimi sanamalar uşaqların sevimli nəğmələridir.

Sanama oyunu

Sanamalar

[redaktə | mənbəni redaktə et]

Motal-motal

[redaktə | mənbəni redaktə et]

Motal-motal
Tərsə motal,
Qıl atar,
Qaymağ tutar
Ağ quşum,
Ağarçınım,
Göy quşum,
Göyərçinim.
Qarğa qara,
Durna çala,
Çiləmə çilik,
Bircə əmlik,
Əmrəqulu, vur nağara,
Çıx qırağa.

İynem , iynem-iynə

[redaktə | mənbəni redaktə et]
  • Iynə-iynə

İynə-iynə,
Ucu düymə
Bal ballıca,
Ballı keçi,
Şam ağacı,
Şatır keçi.
Qoz ağacı,
Qotur keçi.
Hoppan-hoppan,
Yarıl-yırtıl,
Su iç qurtul.

Əmim oğlu , Hurtul qulu

[redaktə | mənbəni redaktə et]

Əmim oğlu, Hurtul qulu
Üzü buğlu,Gözü toğlu
Haldırım dedi,Güldürüm dedi
Huldurum dedi,Qıldırım dedi
Göyə bir ağac atdı , Getdi tutdu budağı
Kərki sapı , Gülgü sapı
Gül budağı , Göl qırağı


Bəzən bu məqsədlə düzgülərdən də istifadə edilir.

Mənbə

[redaktə | mənbəni redaktə et]


Xarici keçidlər

[redaktə | mənbəni redaktə et]
Mənbə — "https://az.wikipedia.org/w/index.php?title=Sanama_(oyun)&oldid=6342163"