Təbriz ölçü muzeyi — Vikipediya

Təbriz ölçü muzeyi
38°04′21″ şm. e. 46°17′42″ ş. u.HGYO
Ölkə	İran
Şəhər	Təbriz
Yerləşir	Təbriz
Aidiyyatı	Qacarlar dövləti
Tikilmə tarixi	XIX əsr
Təbriz ölçü muzeyi

Təbriz ölçü muzeyi — Qacarlar dövründə tikilmiş Səlmasi evində yerləşən muzey. Muzeydə müxtəlif çəki alətləri ilə yanaşı astronomik ölçü alətləri də nümayiş etdirilir.

XIX əsrin ortalarında tikilən Səlmasi evi 1998-ci ildə Şərqi Azərbaycan ostanının bələdiyyəsi tərəfindən alınaraq tarixi abidə kimi qeydiyyata alınıb. Sonradan isə burada ölçü muzeyi təşkil edilib. Muzeydə müxtəlif dövrlərdə və müxtəlif sahələrdə istifadə olunan ölçü alətləri nümayiş olunur. Burada həm zərgər tərəzisi, həm bazar tərəzisi, həm də ağır çəkidə tərəvəz məhsullarını satmaq üçün tərəzilər görmək olar. Bundan əlavə, muzeydə astrolyabiya kimi astronomiya alətinə, qədimi kompaslara və saatlara, meteorologiyada işlənən alətlərə rast gəlinir.^[1]

• 
  Muzeyin ümumi görüntüsü
• 
  Muzeydə nümayiş etdirilən qədim saat
• 
  Muzeyin girişi

• Məşrutə Evi
• Behnam evi
• Həriri evi