Fəzlulla Zahidi — Vikipediya

Fəzlulla Zahidi
fars. فضل‌الله زاهدی‎
Baş nazir
19 avqust 1953 – 30 aprel 1955
Əvvəlki	Məhəmməd Müsəddiq
Sonrakı	Hüseyn Əla
Şəxsi məlumatlar
Doğum tarixi	1897
Doğum yeri	Həmədan, İran
Vəfat tarixi	2 sentyabr 1963
Vəfat yeri	Cenevrə, İsveçrə
Partiya	İran Silahlı Qüvvələri
Fəaliyyəti	hərbi qulluqçu, siyasətçi
Atası	Əbülhüseyn xan Bəsiridivan
Uşağı	Ərdəşir Zahidi
Dini	şiəlik
Rütbəsi	general
Vikianbarda əlaqəli mediafayllar

Fəzlulla Zahidi (1897, Həmədan-2 sentyabr 1863, Cenevrə) — İran Kazak diviziyasının generalı, İranın baş naziri.

Hərbi məktəbi bitərəndən sonra İran Kazak diviziyasında xidmət etməyə başladı. Naib (leytenant) rütbəsindən sərtibi-əvvəl (general-mayor) rütbəsinədək yüksəldi. 1925-1926-cı illərdə Gilan əyalətinin Rəşt şəhərində diviziyanın briqadasına rəhbərlik etdi. 1927-1935-ci illərdə İran jandarmeriyasının rəisi oldu. 1941-ci ildə İsfahan diviziyasına başçılıq etdi.

Fəzlulla Zahidi II Dünya müharibəsində alman faşistləri ilə əməkdaşlıq etdiyi üçün 1943-cü ildə ingilislər tərəfindən tutulub Fələstinə sürgün edildi. Burada 3 il sürgün çəkdi. 1947-1949-cu illərdə Fransada yaşadı.

Fəzlulla Zahidi 1949-cu illərdə İranın polis rəisi təyin olundu. 1951-ci ildə İranın daxili işlər naziri vəzifəsinə irəli çəkildi. 1953-cü ildə baş nazirə qarşı qiyamda iştirak etdi. Məhəmməd Müsəddiq devrildi.

Fəzlulla Zahidi 1953-1955-ci illərdə İranın baş naziri oldu. Sonra İranın Avropada BMT-dəki nümayəndəsi vəzifəsinə göndərildi.

• İranın baş nazirlərı
• İran Kazak diviziyası