Franka Bateliç — Vikipediya
Franka Bateliç | |
---|---|
xorv. Franka Batelić | |
![]() | |
Ümumi məlumatlar | |
Doğum adı | Franka Bateliç xorv. Franka Batelić |
Doğum tarixi | |
Doğum yeri | Riyeka, Xorvatiya |
Vətəndaşlığı | ![]() |
Musiqiçi məlumatları | |
Fəaliyyəti | müğənni, bəstəkar, aktrisa |
Fəaliyyət illəri | 2007–h.h. |
Janrlar | Pop, Rok, Dans-pop |
Musiqi alətləri | vokal, gitara, piano |
Səs tembri | messo-soprano |
Albom şirkətləri | Hit Records Karpo Media |
Təhsili |
|
franka.com.hr | |
![]() |
Franka Bateliç (xorv. Franka Batelić; d. 7 iyun 1992, Riyeka, Xorvatiya) və ya sadəcə Franka — Xorvatiya müğənnisi və bəstəkarı. O, Xorvatiyanın Showtime musiqi yarışmasındakı qalibiyyətindən sonra şöhrət qazanmışdır. Franka "Crazy" mahnısı ilə Xorvatiyanı 2018 Avroviziya Mahnı Müsabiqəsində təmsil etmişdir.
Həyatı və karyerası
[redaktə | mənbəni redaktə et]1992–2006: Erkən illəri
[redaktə | mənbəni redaktə et]Franka Bateliç 7 iyun 1992-ci ildə Xorvatiyanın Riyeka şəhərində anadan olmuşdur. İnqrid və Damir Bateliç onun valideynləridir. Frankanın Nikola adlı özündən yaşda balaca olan qardaşı da var. Nikola Xorvatiyanın "Storm" qrupunda gitaraçı olaraq fəaliyyət göstərir. Franka hələ üç yaşında ikən oxumağa başlamış və ilk öncə "Minicantanti" xorunda solist olaraq yer almışdır.
2007: Karyeranın başlanğıcı
[redaktə | mənbəni redaktə et]2007-ci ildə Franka Xorvatiyada keçirilən Showtime musiqi yarışmasının dinləmələrində iştirak etmişdir. İlkin mərhələdə italyan müğənnisi Corciyanın "Come saprei" mahnısı ilə ifaçı münsiflər heyəti Jak Hudek, İvana Husar və Boris Banoviçin qarşısında çıxış etmişdir. Yüksək səviyyəli ifaları nəticəsində Franka yarışmanın final mərhələsinədək yüksələ bilmişdir. Dekabrda keçirilən finalda o, SMS səsverməsində bütün rəqiblərindən önə keçərək, qalib gəlmişdir. Nəticədə ifaçı Hit Records albom şirkəti anlaşma əldə etmişdir. Bateliçin yarışmanın finalında ifa etdiyi "Ovaj daj" mahnısı daha sonra sinql kimi satışa buraxılmışdır.
2008–2013: Nailiyyətlər
[redaktə | mənbəni redaktə et]2008-ci ilin may ayında Frankanın "Ruža u kamenu" adlı ikinci sinqlı təqdim olunmuşdur. İfaçı bu mahnı ilə Xorvatiyada ənənəvi olaraq keçirilən Opatija radio festivalında çıxış etmiş və nəticədə "Pop/Rok" kateqoriyasında ən çox səs toplayaraq, ictimaiyyətin mükafatına layiq görülmüşdür. Franka "Ruža u kamenu" mahnısı ilə Xorvatiyanı Avroviziya Mahnı Müsabiqəsinin rəsmi fan-klublarının təşkil etdiyi OGAE mahnı müsabiqəsində təmsil etmiş və nəticədə 164 xalla qələbə qazanmışdır.
2009-cu ilin yanvarında ifaçının üçüncü sinqlı "Pjesma za kraj" təqdim olunmuşdur. Həmin mahnı ilə Franka Xorvatiyanın 2009 Avroviziya Mahnı Müsabiqəsi üçün təşkil etdiyi milli seçim turunda iştirak etmiş və 7-ci yerdə qərarlaşmışdır. 2009-cu ilin dekabr ayında Bateliç Xorvatiyanın Ulduzlarla Rəqs yarışmasında iştirak etmişdir. Yarışmada onu peşəkar rəqqas İştvan Varqa müşayiət etmiş və nəticədə cütlük yarışmada qalib gəlmişdir.[1] 2009-cu ildən 2014-cü ilə kimi Bateliçin "Možda volim te", "Moje najdraže", "Na tvojim rukama", "Crna duga", "Ne!", "San", "Pred svima" və "Ljubav je..." sinqlları buraxılmışdır.
2017–hal-hazırda: Geri dönüş
[redaktə | mənbəni redaktə et]2017-ci ilin noyabr ayında Franka sosial mediya hesabı vasitəsi ilə yeni sinqlı olan "S tobom" ilə səhnəyə geri döndüyünü təsdiqləmişdir.[2] Mahnı dekabr ayında təqdim olunmuşdur. Daha sonra mahnıya çəkilmiş videoklip yerli telekanallardan birində ilk dəfə yayımlanmışdır.[3]
13 fevral 2018-ci il tarixində Xorvatiyanın HRT telekanalı Franka Bateliçin "Crazy" mahnısı ilə Xorvatiyanı Portuqaliyanın paytaxtı Lissabonda keçirilən 2018 Avroviziya Mahnı Müsabiqəsində təmsil edəcəyini elan etmişdir.[4]
Müsabiqə üçün uzun sürən hazırlıqlardan sonra Franka 8 may tarixində baş tutan müsabiqənin birinci yarımfinal mərhələsində 12-ci səhnə almışdır. Nəticədə ifaçı 63 xalla yarımfinalda 17-ci yeri tutaraq, finala mərhələsinə adlaya bilməmişdir.
Şəxsi həyatı
[redaktə | mənbəni redaktə et]Bateliç xorvatiyalı futbolçu Vedran Çorluka ilə birlikdə olduğunu təsdiqləmişdir.[5] O, eyni zamanda LGBT hüquqları fəalıdır.[6]
Diskoqrafiya
[redaktə | mənbəni redaktə et]Sinqllar
[redaktə | mənbəni redaktə et]Mahnı adı | İl |
---|---|
"Ovaj dan" | 2007 |
"Ruža u kamenu" | 2008 |
"Pjesma za kraj" | 2009 |
"Možda volim te" | |
"Moje najdraže" | |
"Na tvojim rukama" | 2010 |
"Crna duga" | 2011 |
"Ne!" | |
"San" | 2012 |
"Pred svima" | |
"Ljubav je..." | 2013 |
"S tobom" | 2017 |
"Crazy" | 2018 |
"Kao ti i ja" | |
"Ti mi nosiš sreću" | |
"Tajno" |
İstinadlar
[redaktə | mənbəni redaktə et]- ↑ "Franka Batelić i Ištvan Varga pobjednici su "Plesa sa zvijezdama"". Večernji list (xorvatca). 19 dekabr 2009. 2018-12-10 tarixində arxivləşdirilib. İstifadə tarixi: 2018-02-13.
- ↑ "Vraća se Franka Batelić, a u kojem obliku – još nije poznato!". Music Box (xorvatca). 27 noyabr 2017. 2017-12-01 tarixində arxivləşdirilib. İstifadə tarixi: 2018-02-13.
- ↑ "Franka Batelić o povratku na scenu: 'Sada se mogu u potpunosti dati glazbi'". Novi list (xorvatca). 10 dekabr 2017. 2020-09-27 tarixində arxivləşdirilib. İstifadə tarixi: 2018-02-13.
- ↑ "Eurosong - Franka predstavnica Hrvatske na 63. Eurosongu". Eurosong (xorvatca). 2018-02-13 tarixində orijinalından arxivləşdirilib. İstifadə tarixi: 2018-02-13.
- ↑ "Vedran Ćorluka i Franka Batelić u novoj godini uživaju na plaži". Story (xorvatca). 2 yanvar 2016. 2017-12-01 tarixində orijinalından arxivləşdirilib. İstifadə tarixi: 2018-02-13.
- ↑ "Ljubav za sve: Poznati hrvatski glazbenici zajedničkom pjesmo pozvali na glasanje protiv". Jutarnji list (xorvatca). 25 noyabr 2013. 2018-06-27 tarixində arxivləşdirilib. İstifadə tarixi: 2018-02-13.
Əvvəlki: Jak Hudek "My Friend" | Xorvatiya Avroviziya Mahnı Müsabiqəsində ![]() 2018 | Sonrakı: Roko Blajeviç "The Dream" |