Mixael Şulte — Vikipediya
Mixael Şulte | |
---|---|
alm. Michael Schulte | |
![]() Mixael Şulte 2018 | |
Ümumi məlumatlar | |
Doğum tarixi | |
Doğum yeri | Ekernförde, Almaniya |
Vətəndaşlığı | ![]() |
Musiqiçi məlumatları | |
Fəaliyyəti | müğənni, bəstəkar |
Fəaliyyət illəri | 2008–h.h. |
Janr | |
Musiqi alətləri | vokal, gitara |
Albom şirkəti | Edel AG |
![]() |
Mixael Şulte (alm. Michael Schulte; d. 30 aprel 1990, Ekernförde, Almaniya) — Almaniya müğənnisi və bəstəkarı. O, öz musiqi karyerasına 2008-ci ildə, Youtube kanalında yerləşdirdiyi videolar ilə başlamışdır. Daha sonra ifaçı Almaniyanın The Voice səs yarışmasında iştirak etmiş və üçüncü yerə layiq görülmüşdür. Onun Wide Awake adlı debüt albomu 2012-ci ildə işıq üzü görmüşdür. Şulte ifa etdiyi "You Let Me Walk Alone" mahnısı ilə Almaniyanı 2018 Avroviziya Mahnı Müsabiqəsində təmsil etmişdir.
Həyatı
[redaktə | mənbəni redaktə et]Mixael Şulte 30 aprel 1990-ci ildə Almaniyanın Dollerup şəhərində anadan olmuşdur. O Danimarka məktəbində təhsilini başa vurmuş və sonra Almaniyada hərbi xidmətə yollanmışdır.[1][2]
Musiqi karyerası
[redaktə | mənbəni redaktə et]2012–2016: The Voice of Germany
[redaktə | mənbəni redaktə et]Mixael Şulte öz musiqi karyerasına 2008-ci ildə, Youtube kanalında yerləşdirdiyi videolar ilə başlamışdır. Videolarda Şulte beynəlxalq ifaçıların mahnılarını səsləndirmişdir.
2011-ci ildə Şulte Almaniyanın The Voice səs yarışmasına qatılmışdır. İfaçı dinləmələrdə Adelin "Set Fire to the Rain" mahnısı ilə çıxış etmiş və Rea Qarvinin komandasında yer alaraq, növbəti mərhələyə yüksələ bilmişdir. Yüksək səviyyəli perfomansları sayəsində Şulte yarışmanın finalına vəsiqə qazanmış və nəticədə üçüncü yerə layiq görülmüşdür. Yarışmanın ardınca o Almaniyanın Edel AG albom şirkəti anlaşma əldə etmişdir. Şultenin Wide Awake adlı debüt albomu 2012-ci ilin sentyabr ayında işıq üzü görmüşdür.
2017-hal-hazırda: 2018 Avroviziya Mahnı Müsabiqəsi
[redaktə | mənbəni redaktə et]2017-ci ilin sonlarında Mixael Şultenin "You Let Me Walk Alone" mahnısı ilə Almaniyanın NDR telekanalının 2018 Avroviziya Mahnı Müsabiqəsi üçün təşkil etdiyi milli seçim turunda iştirak edəcəyi təsdiqlənmişdir. Fevral ayının 22-də baş tutan yarışmada Şulte səsvermədə rəqiblərini məğlub edərək, qalib gəlmiş və "You Let Me Walk Alone" mahnısı ilə Almaniyanı Portuqaliyanın paytaxtı Lissabonda keçirilən Avroviziya 2018-də təmsil etmək hüququ qazanmışdır.[3][4]
Almaniya Böyük Beşlik ölkələrindən biri olduğu üçün Şulte 12 may tarixində keçirilən Avroviziya finalından mübarizəyə qoşulmuşdur. Nəticədə ifaçı 26 ölkə təmsilçisinin yarışdığı final şousunda ifaçı 340 xal toplayaraq, 4-cü yerdə qərarlaşmışdır. Bu Almaniyanın Avroviziyada 2010-cu ildən bəri əldə etdiyi ən yüksək göstərici olmuşdur.
Diskoqrafiya
[redaktə | mənbəni redaktə et]Albomlar
[redaktə | mənbəni redaktə et]Albom adı | İl |
---|---|
All the Waves | 2011 |
Berlin Sessions | |
Wide Awake | 2012 |
My Christmas Classics | 2013 |
The Arising | 2014 |
Hold the Rhythm | 2017 |
Sinqllar
[redaktə | mənbəni redaktə et]Mahnı adı | İl |
---|---|
"Soul Traveller" | 2010 |
"She" | 2011 |
"Tears" | |
"Good Times" | |
"Carry Me Home" | 2012 |
"Jump Before We Fall" | |
"You Said You'd Grow Old with Me" | |
"Rock and Scissors" | 2014 |
"The Maze" | |
"Money on Me" | 2016 |
"End of My Days" | 2017 |
"Falling Apart" | |
"You Let Me Walk Alone" | 2018 |
İstinadlar
[redaktə | mənbəni redaktə et]- ↑ "Dolleruper möchte „The Voice of Germany" werden" (almancan). Schleswig-Holsteinischer Zeitungsverlag. 2012-03-27. 2012-09-13 tarixində orijinalından arxivləşdirilib. İstifadə tarixi: 2018-02-23.
- ↑ "Michael Schulte synger for ligestilling" (almanca). Flensborg Avis. 2012-03-27. 2018-02-21 tarixində arxivləşdirilib. İstifadə tarixi: 2018-02-23.
- ↑ "Germany: Michael Schulte to Eurovision 2018". Eurovoix. 22 fevral 2018. 2018-02-23 tarixində arxivləşdirilib. İstifadə tarixi: 2018-02-23.
- ↑ "Germany: It's Michael Schulte for Lisbon!". ESCToday. 22 fevral 2018. 2018-02-23 tarixində arxivləşdirilib. İstifadə tarixi: 2018-02-23.
Əvvəlki: Levina "Perfect Life" | Almaniya Avroviziya Mahnı Müsabiqəsində ![]() 2018 | Sonrakı: S!sters "Sister" |