Varis Yolçiyev — Vikipediya
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Varis Yolçiyev | |
---|---|
Varis Musa oğlu Yolçiyev | |
![]() Varis Yolçiyevin Sumqayıtda oxucularla görüşü, 6 sentyabr 2014. | |
Doğum adı | Varis |
Doğum tarixi | |
Doğum yeri | Sumqayıt![]() ![]() |
Vətəndaşlığı | ![]() ![]() |
Təhsili | |
Fəaliyyəti | yazıçı |
Mükafatları | "Əməkdar Jurnalist" "Puşkin medalı" "Qızıl Kəlmə" mükafatı "LİFT festivallar festivalının qızıl medalı" "Əli Bəy Hüseynzadə" mükafatı |
![]() |
![](http://upload.wikimedia.org/wikipedia/commons/thumb/e/ee/%D0%9B%D0%B8%D0%A4%D0%A4%D1%82_2018_%D0%94%D0%B5%D0%BD%D1%8C_%D1%87%D0%B5%D1%82%D0%B2%D1%91%D1%80%D1%82%D1%8B%D0%B9_%D0%91_21.jpg/300px-%D0%9B%D0%B8%D0%A4%D0%A4%D1%82_2018_%D0%94%D0%B5%D0%BD%D1%8C_%D1%87%D0%B5%D1%82%D0%B2%D1%91%D1%80%D1%82%D1%8B%D0%B9_%D0%91_21.jpg)
Yolçiyev Varis Musa oğlu (7 iyun 1966, Sumqayıt) — yazıçı, jurnalist, Rusiya Yazıçılar İttifaqının üzvü[1], Azərbaycan Yazıçılar Birliyinin, Beynəlxalq Yazıçılar Gildiyasının üzvü. Azərbaycan Respublikasının "Əməkdar Jurnalisti". Soçidə (Rusiya) keçirilən LIFFT — 2019 Avrasiya Ədəbiyyat Festivalının laureatı[2][3].
Həyatı
[redaktə | mənbəni redaktə et]Varis Yolçiyev 7 iyun 1966-cı ildə Sumqayıt şəhərində anadan olub. 1990-cı ildə Bakı Dövlət Universitetinin filologiya fakültəsini bitirib.
1991-ci ildə "168 saat" qəzetinə baş redaktorluq, 1993-cü ildə "7 gün" qəzetinə redaktorluq edib. 1995-ci ildə Azərbaycan Dövlət Televiziyasının "Gecə kanalı" proqramının yaradıcılarından olub.
2004-cü ildə Azərbaycan Respublikası Prezidentinin İşlər İdarəsinin "Azərbaycan" nəşriyyatına baş redaktor təyin edilib. 2007-ci ildə "Azərbaycan Televiziya və Radio Verilişləri" QSC-də (AzTV) Dövri Nəşrlər və Sosioloji Araşdırmalar Departamentinin direktoru təyin edilib. O, həmçinin Azərbaycanda ilk "TV plyus" milli teleradio jurnalının baş redaktorudur.
Azərbaycanda və xarici ölkə mətbuatlarında yüzlərlə məqaləsi çıxıb, 2001-2005-ci illərdə dalbadal 5 dəfə müxtəlif beynəlxalq qurumlar tərəfindən ("European Market Research Center", "Editorial Ofice" və s.) media mükafatlarına layiq görülüb. Müxtəlif illərdə "Dan ulduzu" ali jurnalistika mükafatına, "İlin ən yaxşı redaktoru" adına layiq görülüb. 18 kitabın ("Əsl insan haqqında", "Azərbaycan prezidenti", "Azərbaycan gəncliyi - Azərbaycanın gələcəyi" və s.) redaktoru olub. Xalq yazıçısı İsmayıl Şıxlının təqdimatı ilə ilk hekayələri "Ulduz" jurnalında dərc edilib. 1990-cı illərdən başlayaraq isə onun ədəbi mətbuatda digər hekayələri ("Bir ovuc torpaq", "Tənha yalquzağın nağılı", "Əbədi məhəbbət dastanı", "Səhər heç vaxt açılmayacaq", "Sənə inanıram", "Yol ayrıcında azıb qalanlar") işıq üzü görüb. İlk bədii kitabı ("Sonuncu ölən ümidlərdir") 2008-ci ilin noyabrında çap olunub. 2009-cu ildə yazıçının "Bir ovuc torpaq", 2010-cu ildə "Sənə inanıram", 2011-ci ildə "Yetmiş yeddinci gün" adlı növbəti kitabları işıq üzü görüb. Kitabları Özbəkistanda,Rusiyada və Türkiyədə çap olunub.
Mükafatları
[redaktə | mənbəni redaktə et]- Azərbaycan Respublikasının Əməkdar Jurnalisti
- "Qızıl Kəlmə" ali ədəbiyyat mükafatı
- Avrasiyanın 3-cü LIffT festivallar festivalının qızıl medalı
- Unesconun Adam Mitskeviç medalı
- Moskva ədəbiyyat mükafatı
- Rusiya Yazıçılar Birliyinin "Mayakovski"medalı
- Rusiya Yazıçılar Birliyinin "Puşkin"medalı
- "Dan Ulduzu" ali jurnalistika mükafatı
- Əli Bəy Hüseynzadə mükafatı
Üzvlükləri
[redaktə | mənbəni redaktə et]Beynəlxalq Yazıçılar Gildiyası
Azərbaycan Yazıçılar Birliyi
Rusiya Yazıçılar Birliyi
Azərbaycan Jurnalistlər birliyi
Əsərləri
[redaktə | mənbəni redaktə et]- Sonuncu ölən ümidlərdir (roman). Bakı: 2008, 350 səh.
- Bir ovuc torpaq. Bakı: Vektor, 2009. 318 səh.
- Sənə inanıram (roman). Bakı: Apostrof, 2010. 349 səh.
- Yetmiş yeddinci gün (roman). Bakı:Apostrof, 2012. 479 səh.
- Əzilmiş fotoşəkillər (roman). Bakı: Apostrof - 2012. 277 səh.
- Sonuncu ölən ümidlərdir (roman). Bakı: Apostrof, 2012. 351 səh.
- Metamorfoz. Bir gecənin əhvalatı (roman). Bakı: OL MMC, 2013. 199 səh.
- Yol ayrıcında azıb qalanlar (roman). Bakı: n. y., 2013. - 349 səh.
- Son məktub (roman). Bakı: “OL” MMC. 2014. 264 səh.
- Yaşıl üzlü gündəlik (roman). Bakı: 2014.
- Bitməyən matç (roman). Bakı : Çaşıoğlu, 2015. - 271 səh.
- Əzilmiş fotoşəkillər (roman). Bakı: Hədəf Nəşrləri, 2016. 275 səh.
- Üçbucaq (roman). Bakı: Qanun, 2016. 270 səh.
- Uzaqdan gələn yağış (roman). Bakı: Kitab Klubu, 2017. 224 səh.
- Uzaqdan gələn yağış (roman). Bakı: TEAS Press, 2018. 222 s.
Filmoqrafiya
[redaktə | mənbəni redaktə et]Bir ovuc torpaq.Televiziya:Lider TV. Sənə inanıram (serial, 2013)
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ "Varis Rusiya Yazıçılar İttifaqının üzvü oldu". 2016-03-04 tarixində arxivləşdirilib. İstifadə tarixi: 2015-10-30.
- ↑ “LiFFt” festivalı Azərbaycan üçün niyə əhəmiyyətlidir - Varis Yolçuyev danışır
- ↑ 4-cü “LiFFt” FESTİVALLAR FESTİVALI BAKIDA OLACAQ
Xarici keçidlər
[redaktə | mənbəni redaktə et]![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
- Varis Yolçiyev — Facebook səhifəsi
- Əli Nəcəfxanlı. "Real həyatın bədii ifadəsi". www.xalqqazeti.com
- "Sonuncu ölən ümidlərdir" təqdim olunub. www.mediaforum.az[ölü keçid]
- "Sonuncu ölən ümidlərdir" kitabının təqdimat mərasimindən fotolar. www.azerphoto.com Arxivləşdirilib 2009-02-04 at the Wayback Machine
- "Günümüzün bestselleri: "Sonuncu ölən ümidlərdir"" Yazıçı Varis ilə müsahibə. www.medeniyyet.az[ölü keçid]
- "Azərbaycanlı yazıçı Rusiyada mükafatlandırıldı - FOTO" ( (az.)). islamazeri.az. 2016-12-26. 2016-12-26 tarixində arxivləşdirilib. İstifadə tarixi: 2016-12-26.