"Qızıl ulduz" medalı (Azərbaycan) — Vikipediya
![]() | Bu məqalə "Qızıl ulduz" medalı (Azərbaycan) haqqındadır. Digər mənalar üçün "Qızıl ulduz" medalı səhifəsinə baxın. |
"Qızıl ulduz" medalı | |
---|---|
| |
Ölkə | ![]() |
Tip | medal |
Təltif edir | |
Status | təqdim olunur |
Statistika | |
Təsis tarixi | 10 noyabr 1992 |
Ardıcıllıq | |
Yüksək mükafat | "Vətən Müharibəsi Qəhrəmanı" medalı |
Aşağı mükafat | "Vətən uğrunda" medalı |
![]() |
Qızıl ulduz medalı — 6 fevral 1998-ci ildən Azərbaycanın Milli Qəhrəmanının xüsusi fərqlənmə nişanı.
Təsis edilməsi
[redaktə | mənbəni redaktə et]"Azərbaycan Respublikasının bəzi qanunvericilik aktlarında dəyişikliklər edilməsi haqqında" Azərbaycan Respublikasının 6 fevral 1998-ci il tarixli, 429-IQD nömrəli Qanununa əsasən "Qızıl ulduz" medalı "Ay-Ulduz" medalını əvəz edilmişdir.[1]
Təsviri
[redaktə | mənbəni redaktə et]
"Qızıl ulduz" medalı üz tərəfində ikiüzlü hamar şüalar olan, 31,5 mm qabarit ölçülü səkkizguşəli ulduzdan ibarətdir, sarı qızıldan hazırlanmışdır. Arxa tərəfi hamar səthlidir, ortasında "Azərbaycanın Milli Qəhrəmanı" sözləri yazılmışdır. Yuxarı şüanın küncündə medalın nömrəsi həkk olunmuşdur. Medal ilgək və halqa vasitəsilə ölçüsü 27 mm x 20 mm olan Azərbaycan Respublikası Dövlət Bayrağının rənglərinə uyğun üçrəngli xara lentə birləşdirilmişdir. Lentin yuxarı kənarında qızıl suyuna çəkilmiş ensiz metal lövhə və paltara bərkidilmək üçün element vardır. Medala üzərində Azərbaycan Respublikasının Dövlət bayrağı təsvir edilmiş, paltara bərkidilmək üçün elementi olan 27 mm x 9 mm ölçülü qəlib əlavə olunur.
— "Qızıl ulduz" medalının TƏSVİRİ[1]
İstifadəsi
[redaktə | mənbəni redaktə et]"Qızıl ulduz" medalı döşün sol tərəfinə, digər orden və medallardan yuxarıda taxılır.[1]
"Qızıl ulduz" medalı poçt markası üzərində
[redaktə | mənbəni redaktə et]![](http://upload.wikimedia.org/wikipedia/commons/thumb/c/c9/Stamps_of_Azerbaijan%2C_2011-961.jpg/200px-Stamps_of_Azerbaijan%2C_2011-961.jpg)
2011-ci ilin sentyabr ayının 5-də Bakı şəhərində Azərbaycan Respublikası Rabitə və İnformasiya Texnologiyaları Nazirliyinin "Azərmarka" şirkəti tərəfindən Azərbaycan ordenlərinə həsr olunmuş yeni poçt markaları təqdim edilmişdir. Qiyməti 60 qəpik, tirajı isə 5000 ədəd olan həmin markalardan biri "Qızıl ulduz" medalına həsr olunmuşdur.[2][3]
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ 1 2 3 "Azərbaycan Respublikasının bəzi qanunvericilik aktlarında dəyişikliklər edilməsi haqqında" Azərbaycan Respublikasının 6 fevral 1998-ci il tarixli, 429-IQD nömrəli Qanunu Arxivləşdirilib 2021-05-17 at the Wayback Machine (az.)
- ↑ Yeni markalar çap olunub. ictnews.az Arxivləşdirilib 2016-03-10 at the Wayback Machine (az.)
- ↑ 05.09.2011. Azərbaycan Respublikasının Ordenləri. azermarka.az Arxivləşdirilib 2015-09-19 at the Wayback Machine (az.)